ഗുരുവായൂരിൽ സ്കൂട്ടറിൽ കറങ്ങി നടന്ന് സ്ത്രീകൾക്ക് നേരെ ലൈംഗികാതിക്രമം; പ്രതി പിടിയിൽ

ഗുരുവായൂർ: സ്കൂട്ടറിൽ കറങ്ങി നടന്ന് സ്ത്രീകൾക്ക് നേരെ ലൈംഗികാതിക്രമം നടത്തുന്ന പ്രതി പിടിയിൽ. രാത്രി കാലങ്ങളിൽ ഒറ്റയ്ക്ക് നടന്നു പോകുന്ന സ്ത്രീകളെയും വിദ്യാർത്ഥികളെയും ആണ് പ്രതി ലൈംഗിക അതിക്രമം നടത്തിയത്. വേഷം മാറിയെത്തിയപ്പോഴാണ് പ്രതിയെ പോലീസ് പിടികൂടിയത്. കണ്ടാണശ്ശേരി ചൊവ്വല്ലൂർ പടി സ്വദേശി കിഴക്കേകളം വീട്ടിൽ അബ്ദുൾ വഹാബിനെയാണ് ഗുരുവായൂർ പോലീസ് അറസ്റ്റ് ചെയ്തത്. 

    പ്രതി രാത്രികാലങ്ങളിൽ ഹെൽമറ്റ് ധരിച്ച ഗുരുവായൂർ, കണ്ടാണശ്ശേരി മേഖലകളിൽ സ്കൂട്ടറിൽ കറങ്ങിനടന്ന് രാത്രിയിൽ റോഡിലൂടെ തനിച്ച് ജോലി കഴിഞ്ഞ് നടന്നു പോകുന്ന സ്ത്രീകൾക്ക് നേരെയും വിദ്യാർത്ഥിനികൾക്ക് നേരെയുമാണ് ലൈംഗികം നടത്തുന്നത്. പരാതി ലഭിച്ചതിനെ തുടർന്ന് അമ്പതോളം സിസിടിവി ക്യാമറകൾ പരിശോധിച്ച് പരാതി ലഭിച്ച സ്ഥലങ്ങളിൽ നിന്ന് പോലീസ് വേഷം മാറി നടത്തിയ പരിശോധനയിലാണ് പരാതി ലഭിച്ചത്.

    ഓട്ടോറിക്ഷ ഡ്രൈവറായ പ്രതി നടന്നു പോകുന്ന സ്ത്രീകൾക്കും വിദ്യാർത്ഥി കൾക്കും നേരെ ലൈംഗികാതിക്രമം നടത്തിയ ശേഷം വേഗത്തിൽ സ്‌കൂട്ടർ ഓടിച്ചു പോകുന്ന രീതിയാണെന്ന് പോലീസ് പറഞ്ഞു. അറസ്റ്റ് ചെയ്ത പ്രതിയെ വൈദ്യ പരിശോധനയ്ക്ക് ശേഷം കോടതിയിൽ ഹാജരാക്കും.