തിരുനെല്ലി കാട്ടിക്കുളത്ത് വൻ എം ഡി എം എ വേട്ട;സ്വകാര്യ ബസ് യാത്രക്കാരൻ പിടിയിൽ

മാനന്തവാടി: തിരുനെല്ലി കാട്ടിക്കുളത്ത് വൻ എം ഡി എം എ വേട്ട. സ്വകാര്യ ബസിലെ യാത്രക്കാരനിൽ നിന്ന് മാരക മയക്കുമരുന്നായ എം ഡി എം എ പിടിച്ചെടുത്തു. മലപ്പുറം വേങ്ങര കണ്ണമംഗലം പള്ളിയാൽ വീട്ടിൽ സക്കീർ ഹുസൈൻ (31) വിൽപ്പനക്കായി കൊമേഴ്ഷ്യൽ അളവിൽ ബസിൽ കടത്താൻ ശ്രമിച്ച ലഹരിയാണ് തിരുനെല്ലി പൊലീസും ലഹരി വിരുദ്ധ സ്ക്വാഡും ചേർന്ന് പിടിച്ചെടുത്തത്. 

      ശനിയാഴ്‌ച തിയ്യതി പുലർച്ചെ കാട്ടിക്കുളം പൊലീസ് എയ്‌ഡ് പോസ്റ്റിന് സമീപം നടത്തിയ പരിശോധനയിലാണ് ഇയാൾ വലയിലാകുന്നത്. ബെംഗളുരു ഭാഗത്തുനിന്നും കോഴിക്കോട് ഭാഗത്തേക്ക് പോകുകയായിരുന്ന സ്വകാര്യബസ്സിലെ യാത്രക്കാരനായ ഇയാളുടെ പാന്റിന്റെ പോക്കറ്റിൽ നിന്നാണ് 31.191 ഗ്രാം എം ഡി എം എ പിടിച്ചെടുത്തത്.