ഭർത്താവ് വെട്ടിപ്പരിക്കേൽപ്പിച്ച യുവതി മരിച്ചു

കോഴിക്കോട്: ഫറോക്കിൽ ഭർത്താവ് വെട്ടിപ്പരിക്കേൽപ്പിച്ച യുവതി മരിച്ചു. മുനീറയാണ് മരിച്ചത്. വ്യാഴാഴ്ച രാത്രിയായിരുന്നു മുനീറയെ ഭർത്താവ് ജബ്ബാർ വെട്ടിപ്പരിക്കേൽപ്പിച്ചത്. 'കുടുംബ വഴക്കിനെ തുടർന്നായിരുന്നു ആക്രമണം. 

   ഗുരുതരമായി പരിക്കേറ്റ മുനീറ കോഴിക്കോട് മെഡിക്കൽ കോളേജിൽ തീവ്ര പരിചരണ വിഭാഗത്തിൽ ചികിത്സയിലിരിക്കെയാണ് മരിച്ചത്. ആറ് മണിയോടെയാണ് മുനീറ മരിച്ചത്. സംഭവത്തിൽ ജബ്ബാറിനെ അറസ്റ്റ് ചെയ്തു. ജബ്ബാറിനെ ഇന്ന് കോടതിയിൽ ഹാജരാക്കും.