അർജുൻ ആയങ്കിക്കെതിരെ കാപ്പ ചുമത്തി.
ഒരുപാട് ക്രിമിനൽ കേസുകളിൽ പ്രതിയായ അർജുൻ ആയങ്കി ക്കെതിരെ ജില്ല കലക്ടർ കാപ്പ ചുമത്തി ജയിലിലടക്കാൻ ഉത്തരവിടുകയായിരുന്നു.
NDR news
21 Aug 2026 07:07 PMകണ്ണൂര്: അര്ജുന് ആയങ്കിക്കെതിരെ കാപ്പാ കേസ് ചുമത്തി. കണ്ണൂര് സിറ്റി പൊലീസ് കമ്മീഷണര് സമര്പ്പിച്ച പ്രത്യേക ശുപാര്ശ ജില്ലാ കളക്ടര് അംഗീകരിച്ചതിന് ശേഷമാണ് കാപ്പാ കേസ് ചുമത്തിയത്. നിലവില് ജുഡീഷ്യല് കസ്റ്റഡിയില് കഴിയുന്ന പ്രതി ജാമ്യം ലഭിച്ചാല് തുടര്ന്നും കുറ്റകൃത്യങ്ങളില് ഏര്പ്പെടാന് സാധ്യത ഉള്ളതിനാലാണ് നടപടി.
ഏഴു വര്ഷത്തിനുള്ളില് 9 ക്രമിനില് കേസുകളില് പ്രതിയാണ് അര്ജുന് ആയങ്കിയെന്ന് പൊലീസ് പറഞ്ഞു. കേരള സാമൂഹ്യ വിരുദ്ധ പ്രവര്ത്തനങ്ങള് (തടയല്) നിയമം അനുസരിച്ച് അര്ജുന് ആയങ്കിയെ കണ്ണൂര് സെന്ട്രല് ജയിലില് കരുതല് തടങ്കലില് പാര്പ്പിക്കാനാണ് ഉത്തരവ്. അര്ജുന് ആയങ്കിയെ കണ്ണൂര് സെന്ട്രല് ജയില് സൂപ്രണ്ട് മുമ്പാകെ ഹാജരാക്കാന് സിറ്റി പൊലിസ് കമ്മീഷണര്ക്ക് ജില്ലാ കളക്ടര് നിര്ദ്ദേശം നല്കിയിട്ടുണ്ട്.
അര്ജുന് ആയങ്കിക്കെതിരെ കാപ്പാ ചുമത്തണമെന്ന് ആവശ്യമുണ്ടായിരുന്നു. ആഭ്യന്തര മന്ത്രിയെയും പൊലീസ് ഉദ്യോഗസ്ഥരെയും ഭീഷണിപ്പെടുത്തിയ കേസുകള്ക്ക് പുറമെ സ്വര്ണ്ണം പൊട്ടിക്കല്, സ്വര്ണ്ണം കടത്തല്, തുടങ്ങിയ കേസുകളും അര്ജുന് ആയങ്കിക്കെതിരെയുണ്ട്.
