ആറുവരിപ്പാതയിൽ തെറ്റായ ദിശയിൽ കാറോടിച്ച ഡ്രൈവറുടെ ലൈസൻസ് റദ്ദാക്കും
മലപ്പുറം, കൊളപ്പുറം ദേശീയപാതയിൽ തെറ്റായ ദിശയിൽ കാറോടിച്ച ആൾക്കെതിരെ കേസെടുത്ത് ലൈസൻസ് റദ്ദാക്കുമെന്ന് എൻഫോഴ്സ്മെന്റ് ആർടിഒ
NDR news
11 Sep 2026 04:46 PMമലപ്പുറം: ആറുവരിപ്പാതയിലെ ഓവര്ടേക്കിങ് ലെയിനിലൂടെ എതിര്ദിശയില് കാറോടിച്ചയാള്ക്കെതിരെ കടുത്ത നടപടിയുമായി എന്ഫോഴ്സ്മെന്റ് ആര്ടിഒ. സംഭവത്തില് ഡ്രൈവര്ക്കെതിരെ കേസെടുത്തു. ഡ്രൈവറുടെ ലൈസന്സ് റദ്ദാക്കുന്നത് ഉള്പ്പെടെയുള്ള നടപടികള് സ്വീകരിക്കും. മലപ്പുറം കൊളപ്പുറം ദേശീയപാതയിലായിരുന്നു അപകട യാത്ര.
. ആറുവരിപ്പാതയില് അതിവേഗത്തില് മറികടക്കാന് ഉപയോഗിക്കേണ്ട ഓവര്ടേക്കിങ് ലെയ്നിലൂടെയാണ് കാര് എതിര്ദിശയില് ഓടിച്ചത്. എതിരെ വന്ന വാഹനങ്ങളില് ഇടിക്കാതെ തലനാരിഴയ്ക്കാണ് വന് അപകടം ഒഴിവായത്. സംഭവത്തിന്റെ ദൃശ്യങ്ങള് മറ്റ് യാത്രക്കാര് പകര്ത്തിയിരുന്നു.
