മലപ്പുറത്ത് എംഡി എം എയുമായി യുവതിയടക്കം നാലുപേർ അറസ്റ്റിൽ

മലപ്പുറം: കരുവാരകുണ്ടിൽ വിൽപ്പനയ്‌ക്കെത്തിച്ച 4.96 ഗ്രാം എംഡിഎംഎയുമായി യുവതി അടക്കം നാല് പേരെ പോലീസ് അറസ്റ്റ് ചെയ്തു. ഓപ്പറേഷൻ തൂഫാന്റെ ഭാഗമായി കരുവാരകുണ്ട് പോലീസ് നടത്തിയ പരിശോധനയിലാണ് പ്രതികൾ പിടിയിലായത്.

.    കിഴാറ്റൂർ പൂന്താനം സ്വദേശി കോഴിക്കാട്ടിൽ അൽത്താഫ് (35), പാലക്കാട് കർക്കിടകാംകുന്ന് സ്വദേശി പെരുമ്പയിൽ ഫാസിൽ (34), കാപ്പ് വെട്ടത്തൂർ സ്വദേശി കുളപ്പാടൻ മുഹമ്മദ് റാഷിദ് (28), കോഴിക്കോട് വെസ്റ്റ് ഹിൽ സ്വദേശിനി ഷെർമിനാ ജാസ്മിൻ (22) എന്നിവരാണ് അറസ്റ്റിലായത്.

.      കേരള എസ്റ്റേറ്റിൽ എന്ന സ്ഥലത്ത് നടത്തിയ പരിശോധനയിലാണ് പ്രതികളെ പിടികൂടിയത്. സംഭവത്തിൽ കൂടുതൽ അന്വേഷണം തുടരുകയാണ്.