എം.ഡി.എം.എ കേസ് പ്രതിയെ പിടികൂടാനെത്തിയ പോലീസ് സംഘത്തിന് നേരെ ആക്രമണം

പേരാമ്പ്ര: എം.ഡി.എം.എ കേസിലെ പ്രതിയെ കസ്റ്റഡിയിലെടുക്കാൻ എത്തിയ പോലീസ് സംഘത്തിന് നേരെ കൂത്താളിയിൽ ആക്രമണം. ഇന്ന് രാവിലെ ഏഴരയോടെയാണ് സംഭവം.

.     കൂത്താളി സ്വദേശിയായ അനസിനെ പിടികൂടുന്നതിനിടെയാണ് പോലീസ് സംഘത്തിന് നേരെ ആക്രമണമുണ്ടായത്. ആക്രമണത്തിൽ ഒരു വനിതാ പോലീസ് ഉദ്യോഗസ്ഥ ഉൾപ്പെടെ ഏഴ് പോലീസുകാർക്ക് പരിക്കേറ്റു. സംഘത്തിലുണ്ടായിരുന്ന ഒരു പോലീസുകാരന്റെ തലയ്ക്ക് ഇരുമ്പുവടി കൊണ്ട് അടിയേറ്റതായാണ് വിവരം. പരിക്കേറ്റവരെ ആശുപത്രിയിൽ പ്രവേശിപ്പിച്ചു.

.      എസ്.ഐ മനോജ് രാമത്ത്, എ.എസ്.ഐ സുനിൽകുമാർ സി.എം, എസ്.സി.പി.ഒ ശോഭിത്ത്, എ.എസ്.ഐ ഷാജി വി.ഐ, എസ്.സി.പി.ഒ ലിസ്‌ന ഉൾപ്പെടെയുള്ളവർക്കാണ് പരിക്കേറ്റത്. സംഭവത്തിനിടെ പ്രതിയായ അനസിനെ പോലീസ് കീഴടക്കി അറസ്റ്റ് ചെയ്തു. സംഭവത്തിൽ പോലീസ് തുടർനടപടികൾ സ്വീകരിച്ചുവരികയാണ്.