ജോലി വാഗ്ദാനം ചെയ്ത് പീഡനം രണ്ടുപേർ അറസ്റ്റിൽ
സ്പായിൽ ജോലി നൽകാമെന്ന് പറഞ്ഞു വിളിച്ചു വരുത്തിയ യുവതിയെ പീഡിപ്പിച്ച കേസിൽ രണ്ടുപേരെ കളമശ്ശേരി പോലീസ് അറസ്റ്റ് ചെയ്തു
NDR news
05 Oct 2026 07:27 PMകൊച്ചി: കളമശ്ശേരിയില്‍ യുവതിയെ ജോലി വാഗ്ദാനം വിളിച്ചുവരുത്തി കൂട്ടബലാത്സംഗം ചെയ്യുകയും ദൃശ്യങ്ങൾ പകര്‍ത്തുകയും ചെയ്ത കേസുമായി ബന്ധപ്പെട്ട് രണ്ട് പേർ അറസ്റ്റിലായി.ആലപ്പുഴ സ്വദേശിയായ ശ്രീരാജ് (30), എറണാകുളം സ്വദേശിയായ ജിത്ത് മാർട്ടിൻ (27) എന്നിവരെയാണ് കളമശ്ശേരി പോലീസ് അറസ്റ്റ് ചെയ്തത്.
. കളമശ്ശേരിയിലെ സ്പായിലേക്ക് മാനേജരായി ജോലി നല്‍കാമെന്ന് പറഞ്ഞ് വിളിച്ചുവരുത്തിയായിരുന്നു പീഡനം. യുവതി കളമശ്ശേരി മെഡിക്കല്‍ കോളജ് ഐസിയുവില്‍ ചികിത്സയിലാണ്. കേസില്‍ മറ്റൊരു യുവതി കൂടി ഉള്‍പ്പെട്ടിട്ടുണ്ടെന്നാണ് പൊലീസ് പറയുന്നത്.
. ഈ മാസം രണ്ടാം തീയതിയാണ് സംഭവം നടന്നത്. നാല് പേര്‍ ചേര്‍ന്നാണ് പെണ്‍കുട്ടിയെ ക്രൂര ബലാത്സംഗത്തിന് ഇരയാക്കിയത്. വിവരം ഭര്‍ത്താവിനോട് പറയുകയും പൊലീസില്‍ പരാതി നല്‍കുകയുമായിരുന്നു. പിടിയിലായവര്‍ എറണാകുളം സ്വദേശികളാണ് സംഭവത്തില്‍ പൊലീസ് അന്വേഷണം നടത്തിവരികയാണ്.
