ചേരനല്ലൂർ അപകടം ജഡ്ജിയുടെ വസതിയിൽ പോലീസ് പരിശോധന നടത്തി.

കൊച്ചി: ചേരനല്ലൂരിൽ തട്ടുകട ഉടമ കാറിടിച്ച് മരിച്ച ദാരുണമായ വാഹനാപകടക്കേസിൽ നിർണ്ണായക നീക്കവുമായി പോലീസ്. ഹൈക്കോടതിയുടെ പ്രത്യേക നിർദ്ദേശപ്രകാരം അപകടത്തിൽപ്പെട്ട വാഹനത്തിന്റെ ഉടമയായ ജഡ്ജിയുടെ വസതിയിൽ പോലീസ് സംഘം പരിശോധന നടത്തി.

​.    ജഡ്ജിയുടെ പതിനേഴ് വയസ്സുള്ള മകൻ ഓടിച്ച കാറിടിച്ചാണ് തട്ടുകട ഉടമ കൊല്ലപ്പെട്ടത്. അപകടം നടന്ന സമയത്തെക്കുറിച്ചും കുട്ടി എത്ര മണിക്കാണ് വീട്ടിൽ നിന്ന് വാഹനവുമായി പുറത്തിറങ്ങിയത് എന്നതിലും വ്യക്തത വരുത്താൻ പോലീസ് വസതിയിലെ സി.സി.ടി.വി ദൃശ്യങ്ങൾ വിശദമായി പരിശോധിച്ചു.

.   വാഹന ഉടമയായ ജഡ്ജിയെ കേസിൽ പ്രതിചേർത്ത വിവരം പോലീസ് ഹൈക്കോടതി രജിസ്ട്രിയെ ഔദ്യോഗികമായി അറിയിച്ചിട്ടുണ്ട്.തുടർനടപടികൾ അനുമതിക്ക് വിധേയം: അറസ്റ്റ് ഉൾപ്പെടെയുള്ള കടുത്ത തുടർനടപടികളിലേക്ക് കടക്കുന്നതിന് ഹൈക്കോടതിയുടെ ഔദ്യോഗിക അനുമതി ആവശ്യമാണ്.അനുമതി നാളെയോടെ ലഭിച്ചേക്കും: ജഡ്ജിക്കെതിരായ തുടർനടപടികൾക്കുള്ള അനുമതി ഹൈക്കോടതിയിൽ നിന്ന് നാളെയോടെ ലഭിക്കുമെന്നാണ് പ്രതീക്ഷിക്കുന്നത്.