ബ്രൗൺഷുഗറുമായി ചെങ്ങോട്ടുകാവ് സ്വദേശിയെ പിടികൂടി

വടകര: ബ്രൗൺഷുഗറുമായി ചെങ്ങോട്ടുകാവ് എടക്കുളം സ്വദേശി വടകരയിൽ പിടിയിൽ. മാളിയേക്കൽ മുൻഷിദ് ആണ് പിടിയിലായത്. വടകര റെയിൽവേ സ്റ്റേഷൻ പരിസരത്തുവെച്ച് തിങ്കളാഴ്ച രാവിലെയാണ് ഇയാളെ പൊലീസ് അറസ്റ്റു ചെയ്തത്.

.      ഇയാളുടെ കൈവശം സൂക്ഷിച്ച 0.417 ഗ്രാം ബ്രൗൺ ഷുഗർ പിടിച്ചെടുത്തിട്ടുണ്ട്. റൂറൽ ജില്ലാ പൊലീസ് മേധാവിയുടെ നേതൃത്വത്തിലുള്ള പൊലീസ് സംഘത്തിന്റെയും ഡാൻസാഫ് സ്ക്വാഡിന്റെയും സംയുക്ത പരിശോധനയിലാണ് പ്രതിയെ പിടികൂടിയത്.