ഹലോവീൻ പാർട്ടി 24 കാരിയായ യുവതിയെ ചോദ്യം ചെയ്യും .

ആലുവ: എറണാകുളം ആലുവക്കടുത്ത് റിസോർട്ടിൽ നടന്ന ഹാലോവീൻ ലഹരി പാർട്ടി നടത്തിയത് 24 കാരിയായി യുവതിയും പോക്സോ നിയമപ്രകാരം അറസ്റ്റിലായ അലക്സ് റോബിൻ (21) ഉം കൂടിയാണെന്ന് പോലീസ് . യുവതിയെ ചോദ്യം ചെയ്യുമെന്ന് പോലീസ് പറഞ്ഞു.അറസ്റ്റിലായ അലക്സിനെ കസ്റ്റഡിയിൽ വാങ്ങി ചോദ്യം ചെയ്യുന്നതാണ്. അതുപോലെ പാർട്ടിയിൽ എംഡി എം എ പോലുള്ള മയക്കു മരുന്നുകൾ വിതരണം ചെയ്തിട്ടുണ്ടോയെന്ന് പരിശോധിക്കും . മദ്യം വിളമ്പിയ ലഹരി പാർട്ടിയിൽ പങ്കെടുത്ത എല്ലാവരെയും ചോദ്യം ചെയ്യുമെന്ന് പോലീസ് പറഞ്ഞു . പ്രായപൂർത്തിയാകാത്ത രണ്ടുപേരും പാർട്ടിയിൽ പങ്കെടുത്തതായി അറിയുന്നു.പാർട്ടിയിൽ പങ്കെടുത്തവരുടെ വിവരങ്ങൾ ശേഖരിച്ചുവരികയാണെന്ന് പോലീസ് പറഞ്ഞു. റിസോർട്ട് ജീവനക്കാരിൽ നിന്ന് മൊഴിയെടുത്തു. ഇങ്ങനെ ഒരു പാർട്ടി നടത്തുന്നതിനെ പറ്റി പോലീസിനെ അറിയിച്ചിട്ടില്ല . ആലുവയിലെ റിസോർട്ട് ഉടമയ്ക്ക് നോട്ടീസ് നൽകിയിട്ടുണ്ട്. മദ്യം വിളമ്പിയ പാർട്ടിയെ പറ്റി എക്സൈസ് ഡിപ്പാർട്ട്മെന്റും അന്വേഷിക്കുന്നുണ്ട് .