നടുവണ്ണൂർ ഗവ.ഹൈസ്കൂളിൽ വയലാർ സമൃതി

നടുവണ്ണൂർ: നടുവണ്ണർ ഗവ.ഹയർ സെക്കണ്ടറി സ്കൂളിലെ മഴവിൽ കലാ കൂട്ടായ്മയുടെ ആഭിമുഖ്യത്തിൽ വയലാർ അനുസ്മരണം നടത്തി. പ്രശസ്ത സംഗീത സംവിധായകനും സംസ്ഥാന അധ്യാപക അവാർഡ് ജേതാവുമായ സുനിൽ കുമാർ തിരുവങ്ങൂർ ഉദ്ഘാടനം ചെയ്തു. എച്ച്.എം.ഇൻചാർജ്ജ് എം.റീനാ കുമാരി ടീച്ചറുടെ അധ്യക്ഷതയിൽ ചേർന്ന ചടങ്ങിൽ വയലാർ കവിതകളിലെ വൈവിധ്യങ്ങൾ എന്ന വിഷയത്തിൽ എ.കെ സുരേഷ് ബാബു സംസാരിച്ചു.

      വി.സി.സാജിദ് നൊച്ചാട്, ഷീബ. പി, ആതിര എന്നിവർ സംസാരിച്ചു. പരിപാടിയുടെ ഭാഗമായി മഴവിൽ കലാ കൂട്ടായ്മയുടെ സംഗീത വിഭാഗമായ മഴവിൽ ലയത്തിൻ്റെ ആഭിമുഖ്യത്തിൽ വയലാർ കവിതകളും ഗാനങ്ങളും കോർത്തിണക്കിയ വയലാർ സ്മൃതിയവും അവതരിപ്പിച്ചു. മഴവിൽ കോഡിനേറ്റർ രാജീവൻ.കെ .സി സ്വാഗതവും, റീന പി എം നന്ദിയും പറഞ്ഞു.