മതം സ്ത്രീകൾക്ക് നൽകിയ അവകാശങ്ങളെ പൗരോഹിത്യം പരിഹസിക്കുന്നു; കെ.എൻ.എം. മർകസുദ്ദഅവ

മേപ്പയുർ: ഇസ്‌ലാം മതം സ്ത്രീകൾക്ക് നൽകിയ, ആരാധനാലയങ്ങളിൽ പോയി ആരാധന നിർവഹിക്കാനും പൊതുരംഗങ്ങളിൽ പ്രവർത്തിക്കാനുമുള്ള അവകാശങ്ങൾക്കുനേരെ മത പുരോഹിതന്മാർ പരിഹാസം ചൊരിയുകയാണെന്ന് കെ.എൻ.എം. മർകസുദ്ദഅവ മേപ്പയൂർ മണ്ഡലം ഇസ് ലാഹി സമ്മിറ്റ് അഭിപ്രായപ്പെട്ടു. മുസ്‌ലിം സ്ത്രീകൾ പള്ളിയിൽ പോകുന്നത് വൃത്തിഹീനമായും ദുർഗന്ധം വിവമിക്കുന്നവസ്ത്രം ധരിച്ചു കൊണ്ടുമാവണമെന്ന് പൊതുസമൂഹത്തിന് മുമ്പിൽ ലജ്ജയില്ലാതെ പ്രസംഗിക്കുന്ന വിധത്തിലേക്ക് ചില മത പുരോഹിതന്മാർ തരം താണിരിക്കുന്നുവെന്നും ഇസ് ലാഹി സമ്മിറ്റ് ചൂണ്ടിക്കാട്ടി.

        സംസ്ഥാന വൈസ് പ്രസിഡൻ്റ് കെ.എം. കുഞ്ഞമ്മദ് മദനി സമ്മിറ്റ് ഉദ്ഘാടനം ചെയ്തു. മഠത്തിൽ അബ്ദുറഹ്മാൻ അധ്യക്ഷത വഹിച്ചു. സംസ്ഥാന പ്രതിനിധികളായ എൻ. അഹമദ് കുട്ടി, ഷാനവാസ് പേരാമ്പ്ര, അൻഷിദ എൻ.എ., നെല്ലോളി അബ്ദുറഹ്മാൻ, റഷീദ് പി. എന്നിവർ പ്രസംഗിച്ചു.