വിദ്വേഷ പ്രചരണങ്ങൾ ഒഴിവാക്കി സൗഹൃദങ്ങൾ വളർത്തണം - കെ.എൻ.എം.

നടുവണ്ണൂർ: മത വിശ്വാസികൾ വിദ്വേഷപ്രചരണങ്ങൾ ഒഴിവാക്കി സൗഹൃദങ്ങൾ വളർത്താൻ വേണ്ടിയുള്ള പരിശ്രമങ്ങൾ നടത്തണമെന്ന് നടുവണ്ണൂർ ഏരിയ കെ.എൻ.എം. പ്രവർത്തക സംഗമം ആവശ്യപ്പെട്ടു. സംഗമം കെ.എൻ.എം. ജില്ലാ സെക്രട്ടറി എൻ.കെ.എം. സകരിയ്യ ഉദ്ഘാടനം ചെയ്തു. 

        സൗഹൃദ ഇഫ്ത്വാർ മീറ്റ് നടുവണ്ണൂർ ഗ്രാമപഞ്ചായത്ത് പ്രസിഡന്റ് ടി.പി. ദാമോദരൻ ഉദ്ഘാടനം ചെയ്തു. അഡ്വ: ഇസ്മാഈൽ നന്മണ്ട മുഖ്യപ്രഭാഷണം നടത്തി. ഏരിയ പ്രസിഡന്റ് വി.പി. മുഹമ്മദ് ഉള്ളിയേരി അധ്യക്ഷത വഹിച്ചു. ഇബ്രാഹിം പുനത്തിൽ റമദാൻ സന്ദേശം നൽകി. 

        ഗ്രാമ പഞ്ചായത്ത് മെമ്പർമാരായ സജീവൻ മക്കാട്ട്, ടി.സി. സുരേന്ദ്രൻ, വിവിധ സംഘടനകളെ പ്രതിനിധീകരിച്ച് മലോൽ നാരായണൻ (ക്ഷേത്ര സമിതി), എം.കെ. പരീത് (മഹല്ല് പ്രസിഡന്റ്), ഐ.എസ്.എം. ജില്ലാ സെക്രട്ടറി ഷമീർ വാകയാട്, കെ.എൻ.എം. പേരാമ്പ്ര ഏരിയ പ്രസിഡന്റ് ഇബ്രാഹീം ഫാറൂഖി, എം.ജി.എം. സെക്രട്ടറി സാജിദ നടുവണ്ണൂർ, അഷ്റഫ് പുതിയപ്പുറം, ഒ.എം. കൃഷ്ണകുമാർ, അപ്പു, നിസാർ ചേലേരി, പ്രസ് ഫോറം പ്രതിനിധികളായി ഇല്ലത്ത് പ്രകാശൻ മനോരമ, ബാലകൃഷ്ണൻ വിഷ്ണോത് മാതൃഭൂമി, എൻ.കെ. സാലിം ചന്ദ്രിക, സലീം മാധ്യമം, കെ.ടി.കെ. റഷീദ് സുപ്രഭാതം എന്നിവർ പങ്കെടുത്തു. 

        ഏരിയ സെക്രട്ടറി സി.എം. അബ്ദുറഹിമാൻ സ്വാഗതവും വൈസ് പ്രസിഡന്റ് അഹ്‌മദ്‌ കാവിൽ നന്ദിയും പറഞ്ഞു. ഇഫ്ത്വാർ സംഗമത്തിൽ സ്ത്രീകളും കുട്ടികളുമടക്കം വൻ ജനാവലി പങ്കെടുത്തിരുന്നു.