ധാർമ്മിക വിദ്യാഭ്യാസത്തിന് പ്രധാന്യം നൽകണം; കെ.എൻ.എം.

മുളിയങ്ങൽ: മത ഭൗതിക കലാലയങ്ങളിലൂടെയും, മദ്റസ സ്ഥാപനങ്ങളിലൂടെയും വളർന്നു വരുന്ന തലമുറകൾക്ക് ധാർമ്മിക വിദ്യാഭ്യാസ - മൂല്യങ്ങൾ കാര്യക്ഷമമായി പകർന്നു നൽകണമെന്നും, ധാർമ്മിക ഛ്യുതികൾ വളർന്നു വരുന്ന പുതിയ കാലഘട്ടത്തിൽ അശ്ലീലങ്ങളും, ആഭാസങ്ങളും സാമൂഹ്യ മാധ്യമങ്ങൾ ഉപയോഗിച്ച് പ്രചരിപ്പിച്ച് വിദ്യാർത്ഥി തലമുറയെ വഴി തെറ്റിക്കുന്നവരെ സമൂഹം ഒറ്റപ്പെടുത്തണമെന്നും ഇത്തരം വ്യക്തികൾക്കെതിരെയും, കേന്ദ്രങ്ങൾക്കെതിരെയും സർക്കാർ ശക്തമായ നടപടി സ്വീകരിക്കണമെന്നും സമൂഹം ഇത്തരം വിഷയങ്ങളിൽ ജാഗ്രതയോടെ വർത്തിക്കണമെന്നും മുളിയങ്ങലിൽ നടന്ന കെ.എൻ.എം. പേരാമ്പ്ര മണ്ഡലം മദ്റസ കോപ്ലക്സ് സംഗമം ആവശ്യപ്പെട്ടു.

      കെ.എൻ.എം. കോഴിക്കോട് നോർത്ത് ജില്ല പ്രസിഡന്റ് വി.പി. അബ്ദുസ്സലാം സംഗമം ഉദ്ഘാടനം ചെയ്തു. മദ്റസ മുഫത്തിഷ് സുലൈമാൻ മുസ്ല്യാർ ചൊക്ലി അധ്യക്ഷനായിരുന്നു. 2023 - 24 അദ്ധ്യയന വർഷത്തേക്കുള്ള ഭാരവാഹികളെ യോഗം തിരഞ്ഞെടുത്തു. കെ.എൻ.എം. നോർത്ത് ജില്ല സെക്രട്ടറി എൻ.കെ.എം സക്കരിയ്യ മുഖ്യ പ്രഭാഷണം നടത്തി. 

      സി. ഇബ്രാഹിം ഫാറൂഖി, എൻ. കുഞ്ഞബ്ദുല്ല, നൗഷാദ് കരുവണ്ണൂർ എന്നിവർ സംസാരിച്ചു. അബൂബക്കർ കുന്നത്ത് സ്വാഗതവും സൗദ കായണ്ണ നന്ദിയും പറഞ്ഞു. സി.എം. അബ്ദുറഹിമാൻ (പ്രസിഡന്റ്), നൗഷാദ് കരുവണ്ണൂർ (സെക്രട്ടറി), കെ.കെ. മൗലവി (വൈസ് പ്രസിഡന്റ്), നജീബ് കെ.എം., സൗദ കെ.ടി. കായണ്ണ, നജ്‌ല ആർ.കെ. മുയിപ്പോത്ത് (ജോ: സെക്രട്ടറിമാർ) എന്നിവരെ 2023 - 24 വർഷത്തേക്കുള്ള കോപ്ലക്സ് ഭാരവാഹികളായി തിരഞ്ഞെടുത്തു.