കാവുന്തറ ശ്രീ അയ്യപ്പക്ഷേത്രത്തിൽ അയ്യപ്പൻ വിളക്ക് മഹോത്സവം ഡിസംബർ 21, 22, 23 തിയ്യതികളിൽ

നടുവണ്ണൂർ: കാവുന്തറ ശ്രീ അയ്യപ്പക്ഷേത്രത്തിലെ 60-ാമത് അയ്യപ്പൻ വിളക്ക് മഹോത്സവം ഡിസംബർ 21, 22, 23 തിയ്യതികളിൽ നടക്കും. 21ന് കാലത്ത് 5 മണി മുതൽ ക്ഷേത്ര ചടങ്ങുകൾ, 8 മണിക്ക് കലവറ നിറക്കൽ, വൈകീട്ട് 7 മണിക്ക് സപ്തസ്വര സംഗീത സഭ കോഴിക്കോട് അവതരിപ്പിക്കുന്ന ഭജന എന്നിവ നടക്കും.

      22 ന് 5 മണി മുതൽ ക്ഷേത്ര ചടങ്ങുകൾ വൈകു: 6 മണി ദീപാരാധന, 7 മണി മുതൽ പ്രാദേശിക കലാകാരന്മാരുടെ പരിപാടി നൃത്ത സന്ധ്യ, 23 ന് 5 മണി മുതൽ ക്ഷേത്ര ചടങ്ങുകൾ, 7.30ന് ചെണ്ടമേളം, 11:30ന് ഇളനീർ കുലവരവുകൾ, 12:30ന് മുതൽ പ്രസാദ ഊട്ട്, വൈകീട്ട് 6:30 പാലക്കൊമ്പ് എഴുന്നള്ളിപ്പ് എന്നിവ നടക്കും. എഴുന്നള്ളിപ്പ് നടുവണ്ണൂർ ശ്രീ നരസിംഹ ക്ഷേത്രത്തിൽ നിന്ന് ആരംഭിക്കും.

      താലപ്പൊലി, ശിങ്കാരിമേളം, പൂക്കാവടി, നിശ്ചല ദൃശ്യങ്ങൾ ക്ലാസിക്കൽ ഡാൻസ്, ഗജവീരൻ്റെ അകമ്പടിയോടെ രാത്രി 10 മണിക്ക് ക്ഷേത്രത്തിൽ എത്തിച്ചേരുന്നു. ഗജവീരൻ ഓലയമ്പാടി ഗണപതിയാണ് അയ്യപ്പൻ്റെ തിടമ്പേറ്റുന്നത്.