നരയംകുളം ശ്രീ അയ്യപ്പ ക്ഷേത്രത്തിൽ താലപ്പൊലി മഹോത്സവവും അഷ്ടദ്രവ്യ പ്രത്യക്ഷ മഹാഗണപതി ഹോമവും

കൂട്ടാലിട: കലിയുഗ വരദനായ ശ്രീധർമ്മശാസ്താവിന്റെ സമ്പൂർണ്ണ ചൈതന്യം കൂടികൊള്ളുന്ന, ഒരു ഗ്രാമത്തിന്റെ സാമൂഹികവും സാംസ്ക്കാരികവും ആധ്യാത്മിക വുമായ മണ്ഡലങ്ങളിൽ, സാന്നിദ്ധ്യമായി അനുദിനം പുരോഗതി പ്രാപിക്കുന്ന നരയംകുളം ശ്രീ അയ്യപ്പ ക്ഷേത്രത്തിലെ താലപ്പൊലി മഹോത്സവവും മൈതാന സമർപ്പണ കർമ്മവും നവംബർ 30 (ഞായർ) , ഡിസംബർ 1 (തിങ്കൾ), ഗുരുവായൂർ ഏകാദശി, ദിവസങ്ങളിൽ നടക്കുകയാണ്. ഇതോടെപ്പം ഭഗവാന്റെ,ക്ഷേത്ര മൈതാന സമർപ്പണ കർമ്മം നവംബർ 30 ന് നടത്തപ്പെടുന്നു. സൂര്യകാലടിമന സൂര്യൻ അടിതിരിപ്പാടിന്റെ മുഖ്യകാർമ്മികത്വത്തിൽ അഷ്ടദ്രവ്യ പ്രത്യക്ഷ ഗണപതി ഹോമത്തോടെ , നടക്കുന്ന സമർപ്പണ കർമ്മം ഉദ്ഘാടനം ചെയ്യുന്നത് ശ്രീരാമകൃഷ്ണമഠം (കൊൽക്കത്ത) അദ്ധ്യക്ഷൻ സ്വാമി സുന്ദരാനന്ദ ജിയാണ്. തുടർന്ന് നടക്കുന്ന സാംസ്ക്കാരിക സദസ്സിൽ ക്ഷേത്ര മൈതാന സ്ഥല സമർപ്പണം ചെയ്ത മഹത് വ്യക്തിത്വങ്ങളെ ആദരിക്കുന്നു.

        നാടിന്റെ അഭിമാനമായിമാറിയ പാർവ്വണ അഭിലാഷിനെ (ഫ്‌ളവേഴ്സ് ടോപ്പ് സിംഗർ ഫെയിം) ആദരിക്കൽ ചടങ്ങും സംഗീത വിരുന്നും വിവിധ കലാപരിപാടികളും നടക്കുന്നു. ഗുരുവായൂർ ഏകാദശി ദിവസം തിങ്കളാഴ്ച്ച വർണ്ണപകിട്ടാർന്ന താലപ്പെലി എഴുന്നള്ളത്തും, അന്നദാനവും ,വിവിധ കലാ പരിപാടികളും നടത്തപ്പെടുന്നു.