അരിക്കുളം പാറക്കുളങ്ങര പ്രതീക്ഷ പാലിയേറ്റീവ് കെയർ പാലിയേറ്റിവ് ദിനം ആചരിച്ചു

അരിക്കുളം: അരിക്കുളം പാറക്കുളങ്ങര കേന്ദ്രമായി പ്രവർത്തിക്കുന്ന പ്രതീക്ഷ പാലിയേറ്റീവ് കെയർ, പാലിയേറ്റീവ് ദിനം ആചരിച്ചു.കെ. ഇമ്പിച്ച്യാലി സിതാരായുടെ അധ്യക്ഷതയിൽ ചേർന്ന സദസ്സ് പഞ്ചായത്ത് പ്രസിഡൻ്റ് ശ്രീമതി പി.പി.രമണി ഉദ്ഘാടനം ചെയ്തു. പാലിയേറ്റിവ് വളണ്ടിയർ ഷറീന എം.പി പ്രതിജ്ഞാ വാചകം ചൊല്ലിക്കൊടുത്തു. 

    പാലേരിയിലെ ജനകീയം പാലിയേറ്റീവ് പ്രവർത്തകൻ അബ്ദുള്ള മാസ്റ്റർ (മേനിക്കണ്ടി) പാലിയേറ്റിവ് സന്ദേശം കൈമാറി. പഞ്ചായത്ത് മെമ്പർമാരായ ജസീന നജീദ്, നാരായണി കെ.എം.സജിത എളമ്പിലാട്ട്,ശ്രീജ അനീഷ് എന്നിവർ സംസാരിച്ചു. ഇസ്ഹാഖ് ഊട്ടേരി ഗാനങ്ങൾ ആലപിച്ചു. പ്രതീക്ഷ എക്സിക്യൂട്ടീവ് മെമ്പർ പി. കെ. കെ. ബാബു സ്വാഗതവും പ്രതീക്ഷ' സെക്രട്ടറി അമ്മത് എടച്ചേരി നന്ദി പറഞ്ഞു.