മാതൃകാ പ്രവർത്തനവുമായി കച്ചേരിക്കുന്ന് ജലനിധി പദ്ധതി.

നടുവണ്ണൂർ: നടുവണ്ണൂർ ഗ്രാമപഞ്ചായത്തിലെ പത്താം വാർഡിൽ പ്രവർത്തിക്കുന്ന കച്ചേരി ജലനിധി പദ്ധതി ഗുണഭോക്താക്കൾക്കായി ഈ വർഷവും ഓണക്കിറ്റ് വിതരണം ചെയ്തു. കഴിഞ്ഞ മൂന്നുവർഷമായി തുടരുന്ന പ്രവർത്തനമാണിത്. നടുവണ്ണൂർ ഗ്രാമപഞ്ചായത്തിൽ 32 ജലനിധി പദ്ധതികളിൽ ഇത്തരത്തിലുള്ള പ്രവർത്തനം നടത്തുന്ന ഏക കൂട്ടായ്മയാണ് കച്ചേരിക്കുന്ന് ജലനിധി പദ്ധതി. 177 ഗുണഭോക്താക്കൾ ഉള്ള ഈ പദ്ധതി കഴിഞ്ഞ 10 വർഷമായിട്ട് മികച്ച പ്രവർത്തനമാണ് കാഴ്ചവക്കുന്നത് . ശുദ്ധമായ കുടിവെള്ള വിതരണത്തിനു പുറമെ എല്ലാ ഗുണ ഭോക്താക്കൾക്കും ഓണകിറ്റ് വിതരണം, പാലിയേറ്റിവ് സൊസൈറ്റിക്ക് സഹായം എന്നിവ ചെയ്തു വരുന്നുണ്ട്. 

       ഈ വർഷത്തെ ഓണക്കിറ്റ് വൗച്ചർ വിതരണം ഗ്രാമപഞ്ചായത്ത് പ്രസിഡണ്ട് ഷൈജ മുരളി ഉദ്ഘാടനം ചെയ്തു. ചടങ്ങിൽ കച്ചേരിക്കുന്ന് ജലനിധി പദ്ധതി ഭരണസമിതി അംഗങ്ങളായ സി രവീന്ദ്രനാഥ്, ടി ആർ ഗിരീശൻ, ചന്തുകുട്ടി, ജയൻ വള്ളിൽ, ഉണ്ണി പി എന്നിവരും ഗുണഭോക്താക്കളും പങ്കെടുത്തു.