ബാഫക്കി തങ്ങൾ കർമ്മശേഷ്ഠ പുരസ്കാരം ഡോ. എം കെ മുനീറിന്
കെഎംസിസി കൊയിലാണ്ടി നിയോജകമണ്ഡലം ഏർപ്പെടുത്തിയ ബാഫക്കി തങ്ങൾ കർമ്മശേഷ്ഠ പുരസ്കാരം ഡോ. എം കെ മുനീറിന് മുഖ്യമന്ത്രി വി ഡി സതീശൻ നല്കുന്നതാണ്.
NDR news
01 Sep 2026 06:43 PMദുബൈ കെഎംസിസി കൊയിലാണ്ടി നിയോജക മണ്ഡലം കമ്മിറ്റി ഏർപ്പെടുത്തിയ ബാഫഖി തങ്ങൾ കർമശ്രേഷ്ഠ പുരസ്കാര ഡോ. എം.കെ മുനീറിന്. ഇന്ന് ഉച്ചയ്ക്ക് ശേഷം 2.30ന് കോഴിക്കോട് നളന്ദ ഓഡിറ്റോറിയത്തിൽ നടക്കുന്ന ചടങ്ങിൽ മുഖ്യമന്ത്രി വി.ഡി സതീശൻ പുരസ്കാരം സമ്മാനിക്കും. ഒരു ലക്ഷം രൂപയും പ്രശസ്തിപത്രവും അടങ്ങുന്നതാണ് പുരസ്കാരം. ചടങ്ങ് മുസ്ലിം ലീഗ് സംസ്ഥാന പ്രസിഡന്റ് പാണക്കാട് സയ്യിദ് സാദിഖലി ശിഹാബ് തങ്ങൾ ഉദ്ഘാടനം ചെയ്യും. വ്യവസായ-ഐ.ടി മന്ത്രി പി.കെ കുഞ്ഞാലിക്കുട്ടി, കൃഷി മന്ത്രി അഡ്വ. ടി. സിദ്ദീഖ് എന്നിവർ വിശിഷ്ടാതിഥിയാകും.
മുസ്ലിം ലീഗ് സംസ്ഥാന ജനറൽ സെക്രട്ടറി അഡ്വ. പി.എം.എ സലാം, സെക്രട്ടേറിയറ്റ് അംഗം പി.കെ.കെ ബാവ, ദേശീയ സെക്രട്ടറിമാരായ സയ്യിദ് മുനവ്വറലി ശിഹാബ് തങ്ങൾ, ടി.എ അഹമ്മദ് കബീർ, എം.കെ രാഘവൻ എം.പി, ഷാഫി പറമ്പിൽ എം.പി, കോഴിക്കോട് ജില്ലാ മുസ്ലിം ലീഗ് ജനറൽ സെക്രട്ടറി ടി.ടി ഇസ്മയിൽ, എം.എൽ.എമാരായ പാറക്കൽ അബ്ദുല്ല, എം.എ റസാഖ് മാസ്റ്റർ, പി.കെ ഫിറോസ്, പ്രവീൺ കുമാർ, അഡ്വ. വി.കെ ഫൈസൽ ബാബു, ഫാത്തിമ തഹ്ലിയ, സി.കെ കാസിം, അഡ്വ. കെ. ജയന്ത്, കെ.എം അഭിജിത്ത്, വി.ടി സൂരജ്, വിദ്യാ ബാലകൃഷ്ണൻ തുടങ്ങിയ നേതാക്കൾ സംബന്ധിക്കും. സാഹിത്യകാരൻ കെ.പി രാമനുണ്ണി അനുസ്മരണ പ്രഭാഷണം നിർവഹിക്കും.
