നിഖിലേഷ് നടുവണ്ണൂരിന്റെ പുസ്തകം "മേൽവിലാസമില്ലാത്ത പ്രേതം" പ്രകാശനം ചെയ്തു.

നടുവണ്ണൂർ: നിഖിലേഷ് നടുവണ്ണൂരിന്റെ ആദ്യ കവിതാ പുസ്തകമായ "മേൽവിലാസമില്ലാത്ത പ്രേതം" ഡോ. സോമൻ കടലൂരിന് നല്കികൊണ്ട് നിരൂപകനായ സജയ് കെ വി പ്രകാശനം ചെയ്തു.

.   സാധാരണ ക്കാരുടെയും മാറ്റിനിർത്തപ്പെട്ടവരുടെയും ചിത്രങ്ങളാണ് നിഖിലേഷിന്റെ കവിതയിലുള്ളതെന്ന് അധ്യാപകനും നിരൂപകനുമായ സജയ് കെ വി പറഞ്ഞു. കവിതയും കവിയുംആകാശത്തിലെ നക്ഷത്രങ്ങളാണന്നും ഇരുട്ടിൽ വെളിച്ചം വിതറുന്ന നക്ഷത്രമാണ് നിഖിലേഷിന്റെ കവിതകളെന്നും ഡോ. സോമൻ കടലൂർ പറഞ്ഞു.

.     73 കൊച്ചു കവിതകൾ അടങ്ങിയ മേൽവിലാസമില്ലാത്ത പ്രേതം എന്ന പുസ്തകത്തെഡോ.പി രമേശൻ പരിചയപ്പെടുത്തി. ഏതാനും കവിതകൾ അദ്ദേഹം സദസ്സിന് പരിചയപ്പെടുത്തി.

.    നടുവണ്ണൂർ ഗ്രാമപഞ്ചായത്ത് പ്രസിഡന്റ് ഷൈജ മുരളി അധ്യക്ഷം വഹിച്ച ചടങ്ങിൽ വെച്ച് മുതിർന്ന അധ്യാപകരായ ഇ സി വാസുദേവൻ മാസ്റ്റർ, ദേവി ഇല്ലത്ത് എന്നിവരെ ആദരിച്ചു.

.   ചടങ്ങിൽ കെ കെ മൊയ്തീൻ കോയ, ടിപി ദാമോദരൻ മാസ്റ്റർ, സുരേഷ് വാഴോത്ത്, എൻ ആലി, ആനന്ദൻ മാസ്റ്റർ ,വിജയൻ മാസ്റ്റർ ,ഇബ്രാഹിം മണോളി എന്നിവർ സംസാരിച്ചു.