ലഹരിക്കെതിരെ കൂട്ടാലിടയിൽ കൂട്ടയോട്ടം സംഘടിപ്പിക്കുന്നു

നടുവണ്ണൂർ: കോട്ടൂർ നവജീവൻ എജുക്കേഷൻ ചാരിറ്റബിൾ ട്രസ്റ്റും ബാലുശ്ശേരി പോലീസും സംയുക്തമായി ലഹരിക്കെതിരെ തൂഫാൻ പദ്ധതിയോട് അനുഭാവം പ്രകടിപ്പിച്ചുകൊണ്ട് കൂട്ടയോട്ടം സംഘടിപ്പിക്കുന്നു..സെപ്റ്റംബർ 21 തിങ്കളാഴ്ച വൈകിട്ട്    3. 30ന് ചെടിക്കുളം മുതൽ കൂട്ടാലിട വരെയാണ് കൂട്ടയോട്ടം സംഘടിപ്പിക്കുന്നത്. എം.എൽ.എ വി.ടി സൂരജ് ഉദ്ഘാടനം ചെയ്യുന്ന ചടങ്ങിൽ ഗ്രാമപഞ്ചായത്ത് പ്രസിഡണ്ട് ഇ. സുജാത ടീച്ചർ അധ്യക്ഷത വഹിക്കും. ലഹരിക്കെതിരെ നടത്തുന്ന കൂട്ടയോട്ടത്തിൽകേരള പോലീസ്, എൻ.സി.സി കേഡറ്റുകൾ, എൻ എസ് എസ് വോളന്റീയർമാർ, ജനപ്രതിനിധികൾ, സാമൂഹിക രാഷ്ട്രീയ പ്രവർത്തകർ, പൊതുജനങ്ങൾ തുടങ്ങിയർ അണിചേരുന്നതാണ്.