കൊയിലാണ്ടി ഗേൾസ് സ്കൂൾ മിക്സഡാക്കാൻ നിലവിൽ തടസ്സമില്ല - കാനത്തിൽ ജമീല എംഎൽഎ

കൊയിലാണ്ടി: കൊയിലാണ്ടി ഗേൾസ് ഹയർ സെക്കണ്ടറി സ്കൂളിൽ അടുത്ത അധ്യയന വർഷം മുതൽ ആൺകുട്ടികൾക്കും പ്രവേശനം നൽകുന്നതിൽ തടസ്സമൊന്നുമില്ലെന്ന് കൊയിലാണ്ടി എം.എൽ.എ കാനത്തിൽ ജമീല. ഇക്കാര്യം വിദ്യാഭ്യാസ വകുപ്പിന്റെ പരിഗണനയിലാണെന്നും പതിയ അധ്യയന വർഷം മുതൽ ആൺകുട്ടികൾക്ക് പ്രവേശനം നൽകാൻ കഴിയുമെന്നും എംഎൽഎ അറിയിച്ചു.

     മുൻപ് ഇക്കാര്യത്തിൽ പിടിഎ എതിർപ്പ് പ്രകടിപ്പിച്ചിരുന്നു. എന്നാൽ ഇപ്പോൾ യാതൊരുവിധ എതിർപ്പുകളും ഇല്ലെന്നും മിക്സഡ് സ്കൂൾ ആയി മാറ്റുന്നതിനുള്ള അപേക്ഷ സമർപ്പിച്ചിട്ടുണ്ടെന്നും എംഎൽഎ പറഞ്ഞു. മൂന്ന് വർഷം മുൻപേ തന്നെ ഇത് സംബന്ധിച്ച പ്രമേയം പിടിഎ പാസാക്കുകയും തുടർന്ന് നഗരസഭയുടെ വിദ്യാഭ്യാസ സ്റ്റാൻഡിംഗ് കമ്മിറ്റിയും കൗൺസിലും ഈ പ്രമേയം അംഗീകരിക്കുകയും ചെയ്തിരുന്നു.