ലഹരിക്കെതിരെ കവചിതവലയം തീർത്ത് പാലോറ ഹയർ സെക്കണ്ടറി

പാലോറ: ലഹരിക്കെതിരെയുള്ള ബോധവത്കരണത്തിന്റെ ഭാഗമായി പാലോറ ഹയർ സെക്കണ്ടറി സ്കൂളിൽ രക്ഷിതാക്കളും കുട്ടികളും ചേർന്ന് കവചിതവലയം തീർത്തു. സ്കൂൾ ലഹരി വിരുദ്ധ ക്ലബ്ബിന്റെ നേതൃത്വത്തിലാണ് പരിപാടി നടത്തിയത്. രക്ഷിതാക്കളും കുട്ടികളും ചേർന്ന് ലഹരി വിരുദ്ധ പ്രതിജ്ഞയും ചൊല്ലി.

        അത്തോളി പോലീസ് സ്റ്റേഷനിലെ എ.എസ്.ഐ. സുരേഷ് കുമാർ പരിപാടി ഉദ്ഘാടനം ചെയ്തു. പ്രിൻസിപ്പൽ ടി.പി. ദിനേശൻ അധ്യക്ഷത വഹിച്ചു. കെ. എൻ. രാധിക, കെ. പ്രഭീഷ് കുമാർ, സി. കെ. രാധാകൃഷ്ണൻ, സിന്ധു പി. എന്നിവർ സംസാരിച്ചു. ഒക്ടോബർ 2 മുതൽ വിപുലമായ ലഹരി വിരുദ്ധ ബോധവത്കരണ പരിപാടികളാണ് സ്കൂൾ ആസൂത്രണം ചെയ്തത്.