പഞ്ചായത്ത് അറബിക് സാഹിത്യോത്സവം; ജി.എം.എൽപി. സ്കൂൾ നടുവണ്ണൂരിന് ഓവറോൾ

നടുവണ്ണൂർ: മന്ദങ്കാവ് എ.എൽ.പി. സ്കൂളിൽ വെച്ച് സംഘടിപ്പിച്ച നടുവണ്ണൂർ ഗ്രാമപഞ്ചായത്ത് അറബിക് സാഹിത്യോത്സവത്തിൽ ഓവറോളും ബാലകലോത്സവത്തിൽ ഫസ്റ്റ് റണ്ണറപ്പും കരസ്ഥമാക്കി ജി.എം.എൽ.പി. സ്കൂൾ നടുവണ്ണൂർ. ചരിത്ര വിജയം നേടിയ സ്കൂൾ കിഴുകോട്ട് കടവിൽ ആഹ്ലാദപ്രകടനം നടത്തി. വിദ്യാർത്ഥികളും രക്ഷിതാക്കളും നാട്ടുകാരും റാലിയിൽ അണിചേർന്നു. 

     പി.ടി.എ. പ്രസിഡൻ്റ് വിനീഷ് കൊഴക്കാട്, ഹെഡ്മിസ്ട്രസ് സിന്ധു എം.കെ., എം.പി.ടി.എ. പ്രസിഡൻ്റ് ജംഷില പി.വി., സ്റ്റാഫ് സെക്രട്ടറി കെ. മുബീർ, എസ്.ആർ.ജി. കൺവീനർ ശരണ്യ ബി.എസ്. എന്നിവർ നേതൃത്വം നൽകി.