വിപുലമായ പരിപാടികളോടെ കീഴരിയൂർ കണ്ണോത്ത് യു.പി. സ്കൂളിലെ പരിസ്ഥിതി ദിനാചരണം

കീഴരിയൂർ: ലോക പരിസ്ഥിതി ദിനാചരണത്തിന്റെ ഭാഗമായി കീഴരിയൂർ കണ്ണോത്ത് യു.പി. സ്കൂളിൽ വിവിധ പരിപാടികൾ നടന്നു. സീനിയർ സിവിൽ പോലീസ് ഓഫീസറും മാതൃകാ കർഷകനുമായ ഒ.കെ. സുരേഷ് ചടങ്ങ് ഉദ്ഘാടനം ചെയ്തു. ഹെസ്മിസ്ട്രസ് കെ. ഗീത അദ്ധ്യക്ഷയായി. എm ശ്രീജ പരിസ്ഥിതി ദിന പ്രതിജ്ഞക്ക് നേതൃത്വം നൽകി. ഗ്രാമപഞ്ചായത്ത് മെമ്പർ എം. സുരേഷ്, ബി. ഡലീഷ് എന്നിവർ സംസാരിച്ചു. സി.എം. പവീഷ് സ്വാഗതവും നിയ നൗറിൻ നന്ദിയും പറഞ്ഞു.

     തുടർന്ന് സ്കൂൾ കോമ്പൗണ്ടിൽ ഫലവൃക്ഷത്തൈ നട്ടു. ദിനാചരണത്തിന്റെ ഭാഗമായി പരിസ്ഥി ക്വിസ്, ചിത്രരചനാ മത്സരം, പോസ്റ്റർ പ്രദർശനം, മഴ നടത്തം, പതിപ്പ് നിർമ്മാണം തുടങ്ങിയ പരിപാടികളും നടത്തും.