പുരസ്കാര നിറവിൽ വീണ്ടും വന്മുകം-എളമ്പിലാട് എംഎൽപി സ്കൂൾ
കഴിഞ്ഞ അധ്യയന വർഷത്തെ ശ്രദ്ധേയമായ പ്രവർത്തനങ്ങൾക്ക് കോഴിക്കോട് ജില്ലയിലെ മികച്ച വിദ്യാലയത്തിനുള്ള മനോരമ ഫുൾ എ പ്ലസ് പുരസ്കാരമാണിത്.
NDR News
14 Jul 2025 07:14 PMചിങ്ങപുരം: പുരസ്കാര നിറവിൽ വീണ്ടും വന്മുകം-എളമ്പിലാട് എംഎൽപി സ്കൂൾ. കഴിഞ്ഞ അധ്യയന വർഷത്തെ ശ്രദ്ധേയമായ പ്രവർത്തനങ്ങൾക്ക് കോഴിക്കോട് ജില്ലയിലെ മികച്ച വിദ്യാലയത്തിനുള്ള മനോരമ ഫുൾ എ പ്ലസ് പുരസ്കാരം (5000 രൂപയും, പ്രശസ്തി പത്രവും) ഏറ്റുവാങ്ങുകയുണ്ടായി.
കോഴിക്കോട് നടക്കാവ് ഗേൾസ് ഹയർ സെക്കണ്ടറി സ്കൂളിൽ വെച്ച് നടന്ന ചടങ്ങിൽ സ്കൂൾ ലീഡർ എം. കെ. വേദ, നല്ലപാഠം അസി. ലീഡർ മുഹമ്മദ് സെയ്ൻ, നല്ല പാഠം കോ-ഓർഡിനേറ്റർമാരായ പി. കെ. അബ്ദുറഹ്മാൻ, സി. ഖൈറുന്നിസാബി എന്നിവരുടെ നേതൃത്വത്തിൽ സമഗ്ര ശിക്ഷാ കേരള ജില്ലാ കോ- ഓർഡിനേറ്റർ ഡോ. എ. കെ. അബ്ദുൾ ഹക്കീമിൽ നിന്ന് ഏറ്റുവാങ്ങി.
എഴുത്തുകാരനും സിനിമാ പ്രവർത്തകനുമായ വിനോയ് തോമസ്, കോഴിക്കോട് ഗവ. മെഡിക്കൽ കോളജ് സൈക്യാട്രി വിഭാഗം അസോസിയേറ്റ് പ്രൊഫസർ ഡോ. വർഷ വിദ്യാധരൻ എന്നിവർ സംബന്ധിച്ചു.
