റവന്യൂ ജില്ലാ കലോത്സവത്തിന്റെ ചെണ്ട മേള വേദിയിൽ സംഘർഷം

കൊയിലാണ്ടി: റവന്യൂ ജില്ലാ കലോത്സവത്തിന്റെ ചെണ്ട മേള വേദിയിൽ സംഘർഷം. വിധി നിർണ്ണയത്തിൽ പക്ഷപാതം കാണിച്ചെന്ന് ആരോപിച്ച് വിധികർത്താക്കളെ തടഞ്ഞു വയ്ക്കുകയായിരുന്നു. കൊരയങ്ങാട് ക്ഷേത്ര മൈതാനയിൽ നടന്ന ഹൈസ്‌കൂൾ വിഭാഗം ചെണ്ടമേള മത്സരത്തിൻ്റെ വിധി നിർണയത്തിന് ശേഷമാണ് സംഘർഷമുണ്ടായത്. 

       കോഴിക്കോട് സെൻ്റ് ജോസഫ് എച്ച് എസ് എസിനാണ് ഒന്നാം സ്ഥാനം. ഇത് പക്ഷപാതമാണെന്ന് ആരോപിച്ച് മറ്റ് മത്സരാർഥികളും നാട്ടുകാരും വിധി കർത്താക്കളെ തടഞ്ഞുവെച്ചു. വാഹനത്തിൽ കയറാൻ അനുവദിച്ചില്ല. ഇത് സംഘർഷത്തിന് ഇടയാക്കി. പോലിസ് ഇടപെട്ട് ഇരു കൂട്ടരെയും പറഞ്ഞു വിടുകയായിരുന്നു.