സി.പി.ടി.എ യോഗവും സൗജന്യ കാഴ്ചപരിശോധന ക്യാമ്പും സംഘടിപ്പിച്ചു.

എലങ്കമൽ : എലങ്കമൽ എ.എം.എൽ.പി സ്കൂളിൽ 1 മുതൽ 4 വരെ ക്ലാസുകളിലെ വിദ്യാർത്ഥികളുടെ രക്ഷിതാക്കൾക്കായി സി.പി.ടി.എ യോഗം തിങ്കളാഴ്ച ഉച്ചയ്ക്ക് 2.30-ന് നടന്നു. സ്കൂളിന്റെ വിദ്യാഭ്യാസ പ്രവർത്തനങ്ങൾ, വിദ്യാർത്ഥികളുടെ പഠനപുരോഗതി, രക്ഷിതാക്കളുടെ സഹകരണം എന്നിവ സംബന്ധിച്ച വിഷയങ്ങൾ യോഗത്തിൽ ചർച്ച ചെയ്തു.

      അതോടനുബന്ധിച്ച് വി ട്രസ്റ്റ് ഐ ഹോസ്പിറ്റലിന്റെ സഹകരണത്തോടെ രാവിലെ 10.00 മുതൽ വൈകുന്നേരം 3.00 വരെ സൗജന്യ കാഴ്ചപരിശോധന ക്യാമ്പും സംഘടിപ്പിച്ചു. വിദ്യാർത്ഥികൾക്കും രക്ഷിതാക്കൾക്കും പൊതുജനങ്ങൾക്കും ക്യാമ്പിൽ പങ്കെടുക്കാൻ അവസരമൊരുക്കി. വിദഗ്ധ ഡോക്ടർമാരുടെ നേതൃത്വത്തിൽ കാഴ്ചപരിശോധനയും ആവശ്യമായ ആരോഗ്യ നിർദേശങ്ങളും നൽകി.

      സ്കൂൾ അധികൃതർ, അധ്യാപകർ, സി.പി.ടി.എ ഭാരവാഹികൾ, രക്ഷിതാക്കൾ എന്നിവർ പരിപാടിയിൽ പങ്കെടുത്തു. സി.പി.ടി.എ യോഗവും സൗജന്യ കാഴ്ചപരിശോധന ക്യാമ്പും മികച്ച പങ്കാളിത്തത്തോടെ വിജയകരമായി സമാപിച്ചു.