സ്കൂൾ കുട്ടികൾക്ക് ഫുട്ബോൾ നൽകി വിദ്യാബാലകൃഷ്ണൻ എംഎൽഎ

നന്മണ്ട:തിരഞ്ഞെടുപ്പ് പ്രചരണത്തിൻ്റെ ഭാഗമായി സ്‌കൂളിലെത്തിയ സ്ഥാനാർഥിയോട് കുട്ടികൾ ഉന്നയിച്ച ഒരാവശ്യമായിരുന്നു ഞങ്ങൾക്ക് കളിക്കാൻ ഫുട്ബോളുകൾ വേണം എന്നത് . ബോളുകൾ വാങ്ങിനൽകുമെന്ന് കുട്ടികൾക്ക് അപ്പോൾ തന്നെ ഉറപ്പ്കൊടുത്താണ് നന്മണ്ട ജഞാനപ്രദായനി സ്‌കൂളിൽ നിന്നും പോയത്.

       തിരഞ്ഞെടുപ്പിൽ വിജയിച്ച് എം എൽ എ ആയപ്പോൾ ബോളുകളുമായി സ്‌കൂളിലെത്തി കുട്ടികൾക്ക് കൊടുത്ത വാക്ക് പാലിച്ചു വിദ്യാബാലകൃഷ്ണൻ എം.എൽ.എ. സ്പോൺസർഷിപ്പിലൂടെയാണ് ബോളുകൾ നൽകിയത്.

      എം എൽ എ ഫണ്ടിൽ നിന്നും സ്കൂളിലേക്ക് ലാപ്ടോപ്പ് അനുവദിച്ചു നൽകുന്നതിനുള്ള നിവേദനം സ്‌കൂൾ ഹെഡ്‌മിസ്ട്രസ്സ് സി. ഷീബ നൽകി