25 മെന്റലിസ്റ്റുകൾക്ക് ലോക റെക്കോർഡ് അംഗീകാരം

കോഴിക്കോട് : കെ ജെ പി അക്കാദമിയിലെ 25 മെന്റലിസ്റ്റുകൾക്ക് ലോക റെക്കോർഡ് അംഗീകാരം.

.     മെന്റലിസം രംഗത്ത് KJP അക്കാദമിയുടെ നേതൃത്വത്തിൽ സംഘടിപ്പിച്ച ലോക റെക്കോർഡ് KJP അക്കാദമിയിൽ പരിശീലനം നേടിയ 25 മെന്റലിസ്റ്റുകൾ ഒരുമിച്ച് പങ്കെടുത്ത് 2026ലെ Arabian World Records നു അംഗീകാരം നേടി. 

.     “Most Mentalists of KJP Academy” എന്ന വിഭാഗത്തിലാണ് റെക്കോർഡ് നേട്ടം രേഖപ്പെടുത്തിയത്. ഒരേ അക്കാദമിയിൽ പരിശീലനം നേടിയ മെന്റലിസ്റ്റുകൾ ഒരുമിച്ച് അവതരിപ്പിച്ച വ്യത്യസ്തമായ പ്രകടനത്തിനാണ് അംഗീകാരം.

.      കേരളത്തിന്റെ വിവിധ ഭാഗങ്ങളിൽ നിന്നുള്ളവർക്കാണ് റെക്കോർഡ് ലഭിച്ചത്. തിരുവനന്തപുരം മുതൽ കാസർഗോഡ് വരെയുള്ള ജില്ലകളിൽ നിന്നുള്ളവർക്കൊപ്പം ചെന്നൈയിൽ നിന്നുള്ള KJP അക്കാദമിയിലെ വിദ്യാർത്ഥികളും ഈ ചരിത്രനേട്ടത്തിൽ പങ്കാളികളായി. വിവിധ സ്ഥലങ്ങളിൽ നിന്നെത്തിയ മെന്റലിസ്റ്റുകൾ ഒരുമിച്ച് ഒരു വേദിയിൽ അണിനിരന്നത് പരിപാടിയുടെ പ്രത്യേകതയായി.

.      KJP അക്കാഡമി ഡയറക്ടർ കെ.ജെ. പോൾl ആണ് റെക്കോർഡ് ശ്രമത്തിന് നേതൃത്വം നൽകിയത്. കുന്നമംഗലം മുൻ ഉപജില്ല വിദ്യാഭ്യാസ ഓഫിസർ മുൻ പ്രിൻസിപ്പൽഎന്നീ നിലകളിൽ പ്രവർത്തിച്ചിട്ടുള്ള അദ്ദേഹം ഇപ്പോൾ വിദ്യാഭ്യാസ വകുപ്പിന്റെ SIEMAT ഫാക്കൽറ്റി കൂടിയാണ് . ഇദ്ദേഹം വിദ്യാഭ്യാസരംഗത്തും സാമൂഹിക സാംസ്കാരിക രംഗത്തും പരിശീലനരംഗത്തും ശ്രദ്ധേയമായ പ്രവർത്തനങ്ങൾ നടത്തിയിട്ടുണ്ട്. വിവിധ ലോക റെക്കോർഡുകളും സംസ്ഥാന അധ്യാപക അവാർഡ് ഉൾപ്പെടെ എട്ട് മറ്റു പുരസ്കാരങ്ങളും നേടിയിട്ടുള്ള കെ ജെ പോളിന്റെ നേതൃത്വത്തിലാണ് KJP അക്കാദമി പ്രവർത്തിക്കുന്നത്.

.      മെന്റലിസം, ഹിപ്നോട്ടിസം, മൈൻഡ് പവർ, മോട്ടിവേഷൻ തുടങ്ങിയ മേഖലകളിൽ അദ്ദേഹം പരിശീലനം നൽകുന്നു . KJP അക്കാദമിയിലെ വിദ്യാർത്ഥികൾക്ക് തങ്ങളുടെ കഴിവുകൾ ലോക റെക്കോർഡ് വേദിയിൽ അവതരിപ്പിക്കാനുള്ള അവസരമാണ് ഈ നേട്ടത്തിലൂടെ ലഭിച്ചത്.

.     റെക്കോർഡ് ശ്രമത്തിന്റെ വിജയത്തിൽ പങ്കെടുത്ത 25 മെന്റലിസ്റ്റുകളെയും KJP അക്കാദമി അധികൃതർ അഭിനന്ദിച്ചു. ഒരേ അക്കാദമിയിൽ പരിശീലനം നേടിയ മെന്റലിസ്റ്റുകൾ ഒരുമിച്ച് ലോക റെക്കോർഡിന്റെ ഭാഗമായത് KJP അക്കാദമിയുടെ പരിശീലന മികവിനുള്ള അംഗീകാരമാണെന്ന് സംഘാടകർ അറിയിച്ചു.

.     കേരളത്തിന്റെ വിവിധ ഭാഗങ്ങളിൽ നിന്നുള്ള മെന്റലിസ്റ്റുകളെ ഒരുമിച്ച് അണിനിരത്തി ലോക റെക്കോർഡ് നേട്ടം കൈവരിച്ച KJP അക്കാദമിയുടെ ഈ സംരംഭം മെന്റലിസം പരിശീലനരംഗത്ത് പുതിയൊരു അധ്യായത്തിന് തുടക്കമിട്ടിരിക്കുകയാണ്. കൊല്ലം ബിജുകുമാർ സാറിന്റെ മെന്റലിസം ഷോയും ജെറീഷിന്റെ മിമിക്സും പ്രോഗ്രാമിനു മിഴിവേകി.