ബോധവൽക്കരണ ക്ലാസും അനുമോദന ചടങ്ങും സംഘടിപ്പിച്ചു

കോക്കല്ലൂർ: ഈ വർഷം എസ്.എസ്.എൽ.സി. പരീക്ഷ എഴുതുന്ന വിദ്യാർത്ഥികളുടെ രക്ഷിതാക്കൾക്കായി കോക്കല്ലൂർ ഹയർ സെക്കൻഡറി സ്കൂളിൽ ബോധവൽക്കരണ ക്ലാസ് സംഘടിപ്പിച്ചു. സ്കൂൾ ഗ്രൗണ്ടിൽ വെച്ച് നടന്ന ചടങ്ങിൽ പ്രശസ്ത മോട്ടിവേഷൻ ട്രെയിനർ ശ്രീ. രംഗീഷ് കടവത്ത് ക്ലാസ് നയിച്ചു. കുട്ടികളുടെ മാനസിക ഉല്ലാസവും പഠനമികവും ലക്ഷ്യമിട്ടാണ് പരിപാടി സംഘടിപ്പിച്ചത്.

​.       അതോടൊപ്പം, സംസ്ഥാന സ്കൂൾ പ്രവൃത്തി പരിചയമേളയിൽ പങ്കെടുക്കുന്ന സ്കൂളിലെ മിടുക്കരായ വിദ്യാർത്ഥികളായ ഇതിഹാസ് കൃഷ്ണപുരി, ശ്രീലക്ഷ്മി ഭാരതി, ശിവനന്ദ, അമയ് ദേവ്, ഫാത്തിമത്തു സഹറ എന്നിവർക്കുള്ള പ്രത്യേക അനുമോദന ചടങ്ങും ഇതോടൊപ്പം നടന്നു. 

​.       സ്കൂൾ ഹെഡ്മാസ്റ്റർ ശ്രീ. മണി കെ.എം., പി.ടി.എ. പ്രസിഡന്റ് ശ്രീ. അജീഷ് ബക്കീത്ത, ബിൻസി ജോൺ, ലിജേഷ്, റഫീഖ് തുടങ്ങിയവർ ചടങ്ങിൽ സംസാരിച്ചു.