ഒപ്പനയിൽ അഞ്ചാം തവണയും സബ്ജില്ലാ ചാമ്പ്യന്മാരായി കോട്ടൂർ എ യു പി സ്കൂൾ

പേരാമ്പ്ര: സബ്ജില്ലാ സ്കൂൾ കലോത്സവത്തിലെ യു.പി വിഭാഗം ഒപ്പന മത്സരത്തിൽ തുടർച്ചയായി അഞ്ചാം തവണയും ഒന്നാം സ്ഥാനവും എ ഗ്രേഡും നേടി കോട്ടൂർ എ.യു.പി സ്കൂൾ ശ്രദ്ധേയമായ നേട്ടം കൈവരിച്ചു.

.      കഴിഞ്ഞ വർഷങ്ങളിലെ വിജയത്തുടർച്ച നിലനിർത്തിക്കൊണ്ട് ഇത്തവണയും മികച്ച പ്രകടനത്തിലൂടെയാണ് വിദ്യാർത്ഥികൾ ഈ നേട്ടം സ്വന്തമാക്കിയത്. വിദ്യാർത്ഥികളുടെ നിരന്തര പരിശീലനവും കഠിനാധ്വാനവും അധ്യാപകരുടെയും രക്ഷിതാക്കളുടെയും കൂട്ടായ പിന്തുണയുമാണ് ഈ വിജയത്തിന് പിന്നിൽ.പ്രശസ്ത മാപ്പിള കലാകാരൻ മുസ്തഫ ചേമഞ്ചേരിയുടെ ശിക്ഷണത്തിലാണ് ഇത്തവണയും വിദ്യാർത്ഥികൾ പരിശിലനം നേടിയത്.വേദിക സനിൽ ,ഹംന ഫാത്തിമ, ആയിഷ ഫൈസ,മൻഹ ഫാത്തിമ,ഹൈറ കദീജ, ആയിഷ ഷിഹ,അംന ഫാത്തിമ, ഷെൻസ അഫ്രിൻ, ബുബുലൈൻ ഫാത്തിമ,ഐസ ഫാത്തിമ, എന്നിവരാണ് മത്സരത്തിൽ പങ്കെടുത്തത്.

.      നാടക മത്സരത്തിലും സ്‌കൂൾ ഒന്നാം സ്ഥാനം നേടി ജില്ലയിലേക്കു അർഹത നേടിയിട്ടുണ്ട്. വേദിക വിവേക് മികച്ച നടിയായും തെരെഞ്ഞെടുക്കപ്പെട്ടിട്ടുണ്ട്.കലോത്സവ വേദികളിൽ കോട്ടൂർ എ.യു.പി സ്കൂളിന്റെ കലാപരമായ മികവിനും പ്രതിഭകൾക്കുമുള്ള അംഗീകാരമായി ഇരു നേട്ടങ്ങളും മാറി.