വരുന്നൂ ആകാശത്ത് അത്ഭുതക്കാഴ്ച; മാർച്ച് 28ന് അഞ്ച് ഗ്രഹങ്ങളെ ഒന്നിച്ച് കാണാം

മാർച്ച് അവസാന വാരം ആകാശം നോക്കുന്നവരെ കാത്തിരിക്കുന്നത് അത്ഭുതക്കാഴ്ച. മാർച്ച് 28ന് മാനത്ത് അഞ്ച് ഗ്രഹങ്ങളെ ഒന്നിച്ച് കാണാം. അഞ്ച് ഗ്രഹങ്ങളും  ഒരു നേർരേഖയിലായിരിക്കില്ല, ഒരു ചാപം പോലെയായിരിക്കും കാണപ്പെടുക. മാർച്ച് 28 ന് സൂര്യാസ്തമയത്തിന് ശേഷം ചൊവ്വ, ശുക്രൻ, ബുധൻ, വ്യാഴം, യുറാനസ് എന്നീ ഗ്രഹങ്ങളാണ് കാണാൻ സാധിക്കുക. 

ബുധനേക്കാൾ പ്രകാശിച്ച് വ്യാഴം കാണപ്പെടുമെന്നാണ് റിപ്പോർട്ട്. അഞ്ച് ഗ്രഹങ്ങളിലും ഏറ്റവും പ്രകാശം ശുക്രനായിരിക്കും. ശുക്രനെ നഗ്ന നേത്രങ്ങൾ കൊണ്ട് കാണാൻ സാധിക്കും. മറ്റ് ഗ്രഹങ്ങളും കാണാൻ സാധിക്കുമെങ്കിലും ശുക്രന്റെയത്ര തെളിച്ചം ഉണ്ടാകില്ല. യുറാനസിനെ കാണുക പ്രയാസമാകും.

        മാർച്ച് 1ന് ശുക്രനും വ്യാഴവും നേർ രേഖയിൽ എത്തിയിരുന്നു. നേരത്തെ ഫെബ്രുവരിയിൽ  മൊത്തം ചന്ദ്രന്റെ നേർരേഖയിൽ  വ്യാഴവും ശുക്രനും എത്തിയിരുന്നു.