പയ്യോളി ഹൈസ്കൂളിൽ സയൻസ്‌ ലാബ് ഉദ്ഘാടനം ചെയ്തു

പയ്യോളി: പയ്യോളി ഹൈസ്കൂളിൽ ആധുനിക സജ്ജീകരണങ്ങളോടു കൂടിയ സയൻസ് ലാബ് കാനത്തിൽ ജമീല എംഎൽഎ ഉദ്ഘാടനം ചെയ്തു. പൂർവ വിദ്യാർത്ഥിയായ എവർഷൈൻ അലി ഹാജിയാണ് ഹൈസ്കൂൾ സെക്ഷന് വേണ്ടി ലാബ് കെട്ടിടം നിർമിച്ചു നൽകിയത്. കെ. ദാസൻ എംഎൽഎയുടെ പ്രവർത്തന ഫണ്ട് ഉപയോഗിച്ച് വാങ്ങിയ നാലു ലക്ഷം രൂപയുടെ ഉപകരണങ്ങളും ലാബിൽ സജ്ജീകരിച്ചിട്ടുണ്ട്.

        തിക്കോടി ഗ്രാമ പഞ്ചായത്ത് പ്രസിഡൻ്റ് ജമീല സമദ് അധ്യക്ഷയായ ചടങ്ങിൽ ഹെഡ് മാസ്റ്റർ കെ. എൻ. ബിനോയ് കുമാർ റിപ്പോർട്ട് അവതരിപ്പിച്ചു. ജില്ലാ പഞ്ചായത്ത് അംഗം ദുൽഖിഫിൽ മുഖ്യാഥിതിയായി.

        വാർഡ് മെമ്പർമാരായ കെ. പി. ഷക്കീല, ബിനു കരോളി, പി. ജനാർദ്ദനൻ, ബബീഷ് കുന്നങ്ങോത്ത്, പി. ടി. രമേശൻ, റസാഖ് മേലടി, ഇ. ശശി, സി. എം. മനോജ് കുമാർ, ടി. ഖാലിദ്, കെ. പി. ഗിരീഷ് കുമാർ, കെ. പ്രദീപൻ, കെ. സജിത് എന്നിവർ സംസാരിച്ചു. ബിജു കളത്തിൽ സ്വാഗതവും കെ. വി. പ്രേമചന്ദ്രൻ നന്ദിയും പറഞ്ഞു.