മേപ്പയൂരിൽ കിണറ്റിൽ അകപ്പെട്ട പശുക്കിടാവിന് തുണയായത് ഫയർ ഫോഴ്സ്

മേപ്പയ്യൂർ :- കിണറ്റിൽ വീണ പതിനൊന്ന് ദിവസം പ്രായമുള്ള പശുക്കിടാവിനെ ഫയർ ഫോഴ്സ് എത്തി രക്ഷപ്പെടുത്തി. വിളയാട്ടൂരിലെ കളത്തിൽ ഗോപാലൻ്റെ പശുക്കിടാവാണ് കിണറ്റിൽ വീണത്.

       പേരാമ്പ്രയിൽ നിന്നും വന്ന ഫയർ ആൻ്റ് റസ്ക്യൂ ജീവനക്കാരാണ് കുഞ്ഞു ജീവന് തുണയായത്. ഗ്രേഡ് അസിസ്റ്റൻ്റ് സ്റ്റേഷൻ ഓഫീസർ എ. ഭക്തവത്സലൻ്റെ നേതൃത്വത്തിൽ കെ. സുനിൽ, എൻ. എം. ലതിഷ്, പി. ആർ. സോജു, എസ്. കെ. സുധീഷ്, എ. എം. രാജീവൻ എന്നിവരാണ് രക്ഷാപ്രവർത്തനം നടത്തിയത്.

      ഇവർക്കൊപ്പം നാട്ടുകാരായ എം. വി. സുനിൽ കുമാർ, ഒ. രാജീവൻ, ഒ. എം. വിനോദൻ, ഓടയിൽ മൊയ്തീൻ തുടങ്ങിവർ ആവശ്യമായ സഹായങ്ങൾ എത്തിച്ചു നൽകി രക്ഷാപ്രവർത്തനത്തിൽ പങ്കാളികളായി.