കാവുന്തറയിലെ ഇ.കെ നായനാർ ഓപ്പൺഎയർ ഓഡിറ്റോറിയം മന്ത്രി സജി ചെറിയാൻ ഇന്ന് നാടിന് സമർപ്പിക്കും
അഡ്വ: കെ. എം. സച്ചിൻ ദേവ് എംഎൽഎയുടെ യോഗത്തിൽ അധ്യക്ഷത വഹിക്കും

നടുവണ്ണൂർ: വികസന കുതിപ്പ് തുടരുന്ന നടുവണ്ണൂർ ഗ്രാമപഞ്ചായത്തിന് പൊൻ തിലകമായി ഇ.കെ നായനാർ ഓപ്പൺഎയർ ഓഡിറ്റോറിയം ഇന്ന് നാടിന് സമർപ്പിക്കും. കലാകായിക പ്രവർത്തനങ്ങളുടെ കേളീരംഗമായ കാവുന്തറയിലെ ആൽത്തറമുക്കിലാണ് ഓഡിറ്റോറിയം നിർമ്മിച്ചത്.
ഇ. കെ. നായനാരുടെ നാമധേയത്തിലുള്ള ഓപ്പൺ എയർ ഓഡിറ്റോറിയം സാംസ്കാരിക- ഫിഷറീസ് വകുപ്പ് മന്ത്രി സജി ചെറിയാൻ ഇന്ന് പകൽ മൂന്നുമണിക്ക് ഉദ്ഘാടനം ചെയ്യും. മുൻ എം.എൽ.എ. പുരുഷൻ കടലുണ്ടിയുടെയും അഡ്വ: കെ.എം.സച്ചിൻദേവ് എം.എൽ.എ.യുടെയും പ്രാദേശിക വികസന ഫണ്ട് വിനിയോഗിച്ചാണ് ഓഡിറ്റോറിയം നിർമ്മിച്ചത്.
ബാലുശ്ശേരി എം.എൽ.എ. അഡ്വ: കെ. എം. സച്ചിൻ ദേവ് ചടങ്ങിൽ അധ്യക്ഷനാവും. ചടങ്ങിൽ മറ്റ് ജനപ്രതിനിധികളും രാഷ്ട്രീയ പ്രതിനിധികളും സംബന്ധിക്കും.