നരിക്കുനിയില്‍ വന്‍ ലഹരി വേട്ട; ചേളന്നൂര്‍ സ്വദേശിയായ യുവാവ് പിടിയിൽ
റൂറല്‍ എസ് പിയുടെ നേതൃത്വത്തിലുള്ള പ്രത്യേക സ്‌ക്വാഡാണ് മയക്കുമരുന്ന് പിടിച്ചെടുത്തത്
NDR News
05 Feb 2022 02:13 PMകോഴിക്കോട്: നരിക്കുനിയില്‍ വൻ മയക്കുമരുന്ന് ശേഖരവുമായി ചേളന്നൂര്‍ സ്വദേശിയായ യുവാവിനെ അറസ്റ്റ് ചെയ്തു. കണ്ണങ്കര കിഴക്കേ നേരത്ത് കിരണ്‍(24) ആണ് പിടിയിലായത്. റൂറല്‍ എസ് പിയുടെ പ്രത്യേക സ്‌ക്വാഡാണ് പരിശോധന നടത്തിയത്.
എംഡിഎംഎ, എല്‍ എസ് ഡി സ്റ്റാമ്പ്, ഹഷീഷ് ഓയില്‍ എന്നിവയുമായാണ് യുവാവിനെ പിടികൂടിയത്. ഇയാളിൽ നിന്നും 1160 മില്ലി ഗ്രാം എംഡിഎം, 120എല്‍ എസ് ഡി സ്റ്റാമ്പ്, ഹഷീഷ് ഓയില്‍ എന്നിവ പിടിച്ചെടുത്തു.
റൂറല്‍ ജില്ലാ പോലീസ് മേധാവി എ ശ്രീനിവാസിന് ലഭിച്ച രഹസ്യ വിവരത്തെ തുടര്‍ന്ന് നാര്‍ക്കോട്ടിക് ഡിവൈഎസ്പി യുടെ നേതൃത്വത്തില്‍ നരിക്കുനിയില്‍ നടത്തിയ പരിശോധനയിലാണ് മയക്കുമരുന്ന് ശേഖരം പിടികൂടിയത്. സംഭവത്തിൽ ഒരു കാറും പൊലീസ് പിടിച്ചെടുത്തു. മറ്റൊരു കാറിലെത്തിയ യുവാവ് കാര്‍ ഉപേക്ഷിച്ച് ഓടി രക്ഷപ്പെടുകയായിരുന്നു.
