പേരാമ്പ്ര കല്ലോട് റബര്‍ തോട്ടത്തിന് തീ പിടിച്ചു

പേരാമ്പ്ര.പേരാമ്പ്ര കല്ലോട് റബര്‍ തോട്ടത്തില്‍ തീ പിടിച്ചു. നാല് ഹെക്ടര്‍ സ്ഥലത്തെ അടിക്കാടിനാണ് തീപിടിച്ചത്. രണ്ട് യൂണിറ്റ് ഫയര്‍ ഫോഴ്സ് സ്ഥലത്തെത്തി തീ നിയന്ത്രണവിധേയമാക്കി. കുന്നുമ്മല്‍ ബാലകൃഷ്ണന്‍ എന്ന ആളുടെ തോട്ടത്തിലെ അടിക്കാടിനാണ് തീ പിടിച്ചത്. മറ്റിടങ്ങളിലേക്ക് പടരാതെ തീ നിയന്ത്രണ വിധേയമാക്കി.

      തീ പടര്‍ന്നതിന് തൊട്ടടുത്താണ് പ്രദേശത്തെ സ്വകാര്യ വിദ്യാലയവും നിരവധി വീടുകളും സ്ഥിതി ചെയ്യുന്നത്.തീ പടര്‍ന്ന സ്ഥലത്തേക്ക് റോഡ് സൗകര്യമില്ലാത്തത് കൊണ്ട് അഗ്നിശമന പ്രവര്‍ത്തനം ദുഷ്കരമായി. വേനല്‍ കനത്തതോടെ ഈ പ്രദേശത്ത് അടിക്കാടുകള്‍ക്ക് തീ പടര്‍ന്ന് പിടിക്കുന്ന സംഭവങ്ങള്‍ വര്‍ദ്ധിച്ചിരിക്കുകയാണ്.

      അസിസ്റ്റന്റ് സ്റ്റേഷന്‍ ഓഫീസര്‍മാരായ സി.കെ. മുരളീധരന്‍,പി.സി.പ്രേമന്‍,എ.ഭക്തവത്സലന്‍ എന്നിവരുടെ നേതൃത്വത്തിലുള്ള സംഘമാണ് രക്ഷാപ്രവര്‍ത്തനത്തിന് നേതൃത്വം നല്‍കിയത്.