സുരക്ഷാ സംവിധാനമില്ലാതെ ട്രാൻസ്ഫോർമർ യാത്രക്കാർക്ക് ഭീഷണിയാകുന്നു

നടുവണ്ണൂർ: സുരക്ഷാ വേലിയില്ലാത്ത ട്രാൻസ്ഫോർമർ യാത്രക്കാർക്ക് ഭീഷണിയാവുന്നു. പള്ളിയത്ത് കുനി - മുണ്ടോട്ടര റോഡിൽ പുതുശ്ശേരി താഴെ കനാലിനു സമീപം റോഡിനോടു ചേർന്ന് സ്ഥിതി ചെയ്യുന്ന ട്രാൻസ്ഫോർമറാണ് യാത്രക്കാർക്ക് ഭീഷണിയായി മാറുന്നത്. 

       നടുവണ്ണൂർ കെ.എസ്.ഇ.ബിക്ക് കീഴിലുള്ള ഈ ട്രാൻസ്‌ഫോർമർ യാത്രക്കാർക്കും കാവുന്തറ എ.യു.പി.സ്കൂളിലേക്ക് പോകുന്ന വിദ്യാർഥികൾക്കും വലിയ ഭീഷണിയാണ് സൃഷ്ടിക്കുന്നത്. ധാരാളം വിദ്യാർഥികൾ ഇതുവഴി സ്കൂളിലേക്ക് യാത്ര ചെയുന്നുണ്ട്. അടിയന്തിരമായി ഈ ട്രാൻസ്ഫോർമറിന് സേഫ്റ്റി വേലി നിർമ്മിക്കണമെന്നാണ് നാട്ടുകാരുടെ ആവശ്യം.