പേരാമ്പ്രയിൽ സ്കൂട്ടറിൽ കടത്തിയ പന്ത്രണ്ട് കുപ്പി വിദേശമദ്യം പിടികൂടി

പേരാമ്പ്ര: വാഹനപരിശോധനയ്ക്കിടെ വിദേശമദ്യം പിടികൂടി. ഓണം സ്പെഷ്യൽ ഡ്രൈവിന്റെ ഭാഗമായി നടന്ന പരിശോധനയിലാണ് പേരാമ്പ്ര എക്സൈസ് സംഘം മദ്യം പിടികൂടിയത്. കെ.എൽ 56 ജി 5958 ഹോണ്ട ആക്റ്റീവാ സ്കൂട്ടറിൽ കടത്താൻ ശ്രമിച്ച പന്ത്രണ്ട് കുപ്പി വിദേശമദ്യമാണ് ഇന്നലെ രാത്രി 8.15 ഓടെ എക്സൈസ് സംഘം പിടികൂടിയത്.

      സംഭവത്തിൽ ചങ്ങരോത്ത് ആവടുക്ക കിളച്ചപ്പറമ്പത് അരവിന്ദനെ എക്സൈസ് സംഘം കസ്റ്റഡിയിലെടുത്തു. പ്രിവേന്റീവ് ഓഫീസർ സബീറലി പി. കെ, സിവിൽ എക്സൈസ് ഓഫീസർമാരായ ജിജു, ഷാജി, അനൂപ് എന്നിവരടങ്ങിയ സംഘമാണ് മദ്യം പിടിച്ചെടുത്തത്.