പെട്രോൾ പമ്പ് ജീവനക്കാരിയുടെ ബാഗിൽ നിന്ന് സ്വർണവും പണവും മോഷ്ടിച്ചു

കൊടുവള്ളി : പെട്രോൾ പമ്പിലെ ജീവനക്കാരിയുടെ ബാഗിൽനിന്ന് സ്വർണവും പണവും മോഷ്ടിച്ചു. ദേശീയപാതയോരത്തെ വെണ്ണക്കാട്‌ പെട്രോൾ പമ്പിൽ ആണ് സംഭവം. ശനി പകൽ രണ്ടരയോടെയാണ് മോഷണം നടന്നത്. 

    പമ്പിലെ മുറിയില്‍ സൂക്ഷിച്ചിരുന്ന ബാഗില്‍ നിന്ന് ഒന്നേകാല്‍ പവന്റെ മാലയും മൂവായിരം രൂപയും മോഷ്ടിച്ചു. വൈകിട്ട് ജോലി കഴിഞ്ഞ് വീട്ടില്‍ പോകാനായി ബാഗ് എടുത്തപ്പോഴാണ് മോഷണ വിവരം അറിഞ്ഞത്. തുടര്‍ന്ന് സിസിടിവി പരിശോധിച്ചപ്പോൾ ഒരു യുവാവ് ബാഗിൽനിന്ന്‌ പണവും മാലയും എടുക്കുന്നത് വ്യക്തമായി. കൊടുവള്ളി പൊലീസ് സംഭവത്തിൽ കേസെടുത്ത്‌ അന്വേഷണം തുടങ്ങി.