ചക്കിട്ടപാറയിൽ കാട്ടാന ശല്യം രൂക്ഷം

പേരാമ്പ്ര: ചക്കിട്ടപാറ പഞ്ചായത്തിലെ പിള്ളപ്പെരുവണ്ണയിൽ കാട്ടാന ശല്യം രൂക്ഷം. കഴിഞ്ഞ ദിവസം രാത്രി കൃഷിയിടത്തിലിറങ്ങിയ കാട്ടാന വാഴത്തോട്ടം പൂർണമായി നശിപ്പിച്ചു. കിണറുള്ള പറമ്പിൽ ചന്ദ്രന്റെ തോട്ടമാണ് നശിപ്പിച്ചത്.

    തൊട്ടടുത്ത് സിആർപിഎഫ് ഏറ്റെടുത്ത സ്ഥലത്ത് കാട് വളർന്നുപിടിച്ച സാഹചര്യത്തിലാണ് കാട്ടാനക്കൂട്ടം ഇവിടം താവളമാക്കിയത്. രാത്രിയിൽ ജനവാസ മേഖലയിലിറങ്ങി കാർഷിക വിളകൾ നശിപ്പിക്കുന്നത് പതിവാണ്. സിആർപിഎഫിന്റെ അധീനതയിലുള്ള സ്ഥലത്തെ കാടുകൾ വെട്ടിത്തെളിക്കണമെന്നാണ് നാട്ടുകാരുടെ ആവശ്യം.