നാദാപുരത്ത് ക്ഷേത്രത്തിൽ മോഷണം: ഭണ്ഡാരങ്ങള്‍ കുത്തിത്തുറന്ന് അരലക്ഷം രൂപയോളം മോഷ്ടിച്ചു

കോഴിക്കോട്: നാദാപുരം നരിക്കാട്ടേരി ശ്രീ സുദര്‍ശന മൂര്‍ത്തി ക്ഷേത്രത്തില്‍ ഭണ്ഡാരം കുത്തിത്തുറന്ന് മോഷണം. അര ലക്ഷം രൂപയോളം നഷ്ടപ്പെട്ടുവെന്ന് പൊലീസ് അറിയിച്ചു. സംഭവത്തില്‍ നാദാപുരം പൊലീസ് കേസെടുത്ത് അന്വേഷണം തുടങ്ങി. 

     ക്ഷേത്രത്തിലെ വൈദ്യുതി ബന്ധം വിച്ഛേദിച്ച ശേഷമാണ് മോഷണം നടത്തിയത്. ശ്രീ കോവിലിനു പുറത്തുള്ള രണ്ട് ഭണ്ഡാരങ്ങള്‍ കുത്തി തുറന്നാണ് പണം മോഷ്ടിച്ചത്. ക്ഷേത്രത്തിലെ മറ്റു രണ്ടു ഭണ്ഡാരങ്ങളില്‍ മോഷണ ശ്രമവുമുണ്ടായതായും ക്ഷേത്രത്തിന്റ നാലമ്പലത്തിന്റ ഓടുകള്‍ നീക്കിയാണ് മോഷ്ടാവ് ക്ഷേത്രത്തിനകത്ത് കടന്നതെന്നും നാട്ടുകാര്‍ പറഞ്ഞു.

     മൂന്ന് മാസത്തോളമായി ഭണ്ഡാരങ്ങള്‍ തുറന്നിട്ട്. ഇന്ന് രാവിലെ മേല്‍ശാന്തി നട തുറക്കാന്‍ നോക്കുമ്പോഴാണ് മോഷണ വിവരം അറിയുന്നത്.