കുറ്റ്യാടി സ്വദേശി ഒമാനിലുണ്ടായ വാഹനപകടത്തിൽ മരണപ്പെട്ടു

മസ്കറ്റ്:കുറ്റ്യാടി സ്വദേശി ഒമാനിലുണ്ടായ വാഹനപകടത്തിൽ മരണപ്പെട്ടു. കുറ്റ്യാടി അരീകുന്നുമ്മ മുഹമ്മദ് ഷാഫി ആണ് മരിച്ചത്. 28 വയസ്സായിരുന്നു. ഇദ്ദേഹം സഞ്ചരിച്ച കാറിൽ ട്രക്ക് ഇടിക്കുകയായിരുന്നുവെന്നാണ് പ്രാഥമിക വിവരം.

   മുസന്നക്കടുത്ത് മുലദ്ദയിൽ തിങ്കളാഴ്ചയായിരുന്നു അപകടം. ഷാഫി എട്ട് വർഷത്തോളമായി സ്വകാര്യ കമ്പനിയിൽ ജോലി ചെയ്ത് വരികയായിരുന്നു.

     പിതാവ്: മുഹമ്മദ് അലി. മാതാവ്: ജമീല. മൃതദേഹം റുസ്താഖ് ആശുപത്രി മോർച്ചറിയിൽ. കെ.എം.സി.സിയുടെ നേതൃത്വത്തിൽ നടപടികൾ പൂർത്തിയാക്കി മൃതദേഹം നാട്ടിലേക്ക് കൊണ്ടുപോകുമെന്ന് ബന്ധപ്പെട്ടവർ അറിയിച്ചു.