നിടുംപൊയിൽ ബി.കെ നായർ മെമ്മോറിയൽ യുപി സ്കൂൾ വാർഷികാഘോഷവും യാത്രയയപ്പ് സമ്മേളനവും

മേപ്പയൂർ : നിടുംപൊയിൽ ബി.കെ നായർ മെമ്മോറിയൽ യുപി സ്കൂളിൽ 104ാം വാർഷികാഘോഷത്തോടനുബന്ധിച്ച് യാത്രയയപ്പ് സമ്മേളനവും, അനുമോദന സദസും, നഴ്സറി ഫെസ്റ്റും , കലാസന്ധ്യയും നടന്നു. മേപ്പയ്യൂർ ഗ്രാമപഞ്ചായത്ത് പ്രസിഡണ്ട് കെ ടി രാജൻ ഉദ്ഘാടനം ചെയ്തു. മികവുറ്റ സേവന കാലഘട്ടത്തിന് ശേഷം സർവീസിൽ നിന്ന് വിരമിക്കുന്ന പ്രഭ ടീച്ചർക്കുള്ള പിടിഎയുടെ ഉപഹാരം ഗ്രാമപഞ്ചായത്ത് പ്രസിഡണ്ട് കെ ടി രാജനും, സ്റ്റാഫിന്റെ ഉപഹാരം അധ്യാപകരും ചേർന്ന് സമ്മാനിച്ചു.

കേരള സാഹിത്യ അക്കാദമി അവാർഡ് ജേതാവ് സി എം മുരളീധരനെയും ചടങ്ങിൽ ആദരിച്ചു ഫ്ലവേഴ്സ് കോമഡി സ്റ്റാർ ഫെയിം , പിന്നണി ഗായിക കുമാരി ഹരിചന്ദന ചടങ്ങിൽ മുഖ്യാതിഥിയായിരുന്നു. ഹെഡ്മാസ്റ്റർ പി ജി രാജീവ് സ്വാഗതം ആശംസിച്ചു . ചടങ്ങിൽപിടിഎ പ്രസിഡണ്ട് ശശീന്ദ്രൻ പുളിയത്തിങ്കൽ അധ്യക്ഷനായിരുന്നു. കെ.എം എ അസീസ് റിപ്പോർട്ട് അവതരിപ്പിച്ചു. 

    ഗ്രാമപഞ്ചായത്ത് മെമ്പർ സിപി അനീഷ് കുമാർ പ്രതിഭകളെ ആദരിച്ചു. വാർഡ്മെമ്പർമാരായ ടി വി ജലജ ബിനീ മാവട്ട്, ശ്യാമള ഇടപ്പള്ളി ,ഇന്ദിരാ വളേരി തുടങ്ങിയവരും സി.എം.ജനാർദ്ദനൻ മാസ്റ്റർ, പി. അനിൽകുമാർ ,കെ.ടി.കെ പ്രഭാകരൻ, മോഹനൻ മാസ്റ്റർ, അബ്ദുറഹിമാൻ ,ആനന്ദൻ മാസ്റ്റർ, വിജയൻ പുതിയോട്ടിൽ, ആബിദ മാവട്ട്, കെ.ടി. ശ്രീധരൻ, സജീവൻ പുതിയോട്ടിൽ, ഷഗിന്‍ പി എസ്, കെ ഗീത തുടങ്ങിയവർ സംസാരിച്ചു. കെ ടി പ്രഭയും സി എം മുരളീധരനും മറുപടി ഭാഷണം നടത്തി ചടങ്ങിൽ സ്കൂളിന്റെ മാസ്റ്റർ പ്ലാൻ മാനേജർ പ്രകാശനം ചെയ്തു ജികെ കമല നന്ദി പറഞ്ഞു തുടർന്ന് നഴ്സറി കലോത്സവവും കലാസന്ധ്യയും പൂർവ്വവിദ്യാർത്ഥികളുടെ കലാപ്രകടനവും നടന്നു