രാമുണ്ണി മാസ്റ്റർ ഗ്രന്ഥാലയം വീട്ടക വായനക്കാരനായ സുവർണ്ണനെ ആദരിച്ചു

നടുവണ്ണൂർ: വായന പക്ഷാചരണത്തിന്റെ ഭാഗമായി രാമുണ്ണി മാസ്റ്റർ ഗ്രന്ഥാലയം ആൻ്റ് വായനശാല വീട്ടക വായനക്കാരനായ സുവർണ്ണനെ ആദരിച്ചു. നിർമ്മാണ തൊഴിലാളിയായിരുന്ന സുവർണ്ണൻ ജോലിക്കിടയിലുണ്ടായ അപകടത്തിൽ പരിക്കേറ്റ് 14 വർഷമായി കിടപ്പിലാണ്. വായനശാലകളിൽ നിന്നും വീട്ടിൽ എത്തിച്ചു കൊടുത്ത 200ലധികം പുസ്തകങ്ങൾ ഇതിനകം വായിച്ചിട്ടുണ്ട്.

     കിളിയാടത്ത് വീട്ടകത്ത് നടന്ന പരിപാടി ജില്ലാ ലൈബ്രറി കൗൺസിൽ അംഗം. എം.ടി. മനോജ് ഉദ്ഘാടനം ചെയ്തു. എൻ. ആലി അദ്ധ്യക്ഷത വഹിച്ചു. പി.സി. ബാലകൃഷ്ണൻ പൊന്നാടയണിയിച്ച് ആദരിച്ചു.

      പി.കെ. നാരായണൻ, റിലു എ.എസ്., പി. കൃഷ്ണദാസ്, പി.കെ. ബാലൻ, ശാന്ത പി.വി. എന്നിവർ സംസാരിച്ചു. സുവർണ്ണൻ വായന അനുഭവങ്ങൾ പങ്കു വെച്ചു സംസാരിച്ചു. എം.എൻ. ദാമോദരൻ സ്വാഗതവും ടി.സി. ബാബു നന്ദിയും പറഞ്ഞു.