ദേശീയപാത വികസനം; ജനപ്രതിനിധികൾക്കും ജനങ്ങൾക്കും നേരെ നരനായാട്ട് നടത്തിയ പോലീസ് മറുപടി പറയേണ്ടിവരും: ചന്ദ്രൻ പൂക്കിണാറമ്പത്ത്

കൊയിലാണ്ടി: ദേശീയ പാതയ്ക്കായി അശാസ്ത്രീയമായ മണ്ണെടുപ്പിനെതിരെ പൊയിൽകാവിൽ ചെറുത്തുനിന്ന നാട്ടുകാർക്കും ജനപ്രതിനിധികൾക്കും എതിരെ പോലീസ് നടത്തിയ നരനായാട്ട് അപലനീയമാണെന്ന് ചന്ദ്രൻ പൂക്കിണാറമ്പത്ത്. മണ്ണെടുപ്പ് താൽക്കാലികമായി നിർത്തിവെച്ചിരിക്കുകയാണെങ്കിലും 25 മീറ്ററോളം ഉയരത്തിലുള്ള കുന്ന് ഒരു മാനദണ്ഡവും കൂടാതെ എട്ടുമാസത്തോളമായി ഇടിച്ചുക്കൊണ്ടിരിക്കുകയാണ്. ഈ കുന്നിന് താഴെയായി നൂറോളം കുടുംബങ്ങൾ ഭീതിയോടെയാണ് കഴിയുന്നത്.

     മണ്ണെടുക്കൽ നിർത്തി വയ്ക്കണമെന്ന് ജിയോളജി വകുപ്പിന്റെ പ്രത്യേക ഉത്തരവുണ്ടായിട്ടും അവയെല്ലാം അവഗണിച്ചുകൊണ്ട് വാഗാഡ് കമ്പനിക്കുവേണ്ടി വീടുപണി ചെയ്യുന്നവരുടെ ഒത്താശയോടുകൂടി നടത്തിയിട്ടുള്ള പോലീസ് അതിക്രമം അംഗീകരിക്കാൻ ആവില്ലെന്നും ഇനിയും മണ്ണെടുപ്പ് തുടർന്നാൽ ജനങ്ങളെ അണിനിരത്തി പ്രതിരോധിക്കുമെന്നും അദ്ദേഹം കൂട്ടിച്ചേർത്തു.