അമ്മമാർക്ക് മുമ്പിൽ ലഹരി വിരുദ്ധ പ്രതിജ്ഞയുമായി പു.ക.സ

  തിക്കോടി :സമൂഹ മനസ്സിനെ അനുദിനം കാർന്നുതിന്നു കൊണ്ടിരിക്കുന്ന ലഹരി വ്യാപനത്തിന് എതിരെ ശക്തമായ പ്രചരണവുമായി പുരോഗമന കലാസാഹിത്യ സംഘം പെരുമാൾപുരം യൂണിറ്റ് രംഗത്തിറങ്ങി .

  വീട്ടമ്മമാരെയും കൗമാരക്കാരെ യും അണിനിരത്തി, ദീപം തെളിയിച്ച്, ലഹരി വിരുദ്ധ പ്രതിജ്ഞയും നടത്തി.  സാഹിത്യകാരൻ ഇബ്രാഹിം തിക്കോടി പരിപാടി ഉദ്ഘാടനം ചെയ്തു . പി കെ രാജീവൻ അധ്യക്ഷത വഹിച്ചു.

   പു.ക.സ മേലടിബ്ലോക്ക് സെക്രട്ടറി രാമചന്ദ്രൻ തിക്കോടി സംസാരിച്ചു. ബാബു പടിക്കൽ സ്വാഗതവും, ലഹരി വിരുദ്ധ പ്രതിജ്ഞയും ചൊല്ലി. സമൂഹ ത്തിലെ വ്യത്യസ്ത മേഖലയിലുള്ള ധാരാളം പ്രമുഖരുടെ സാന്നിദ്ധ്യം പരിപാടിയ്ക്ക് ഏറെ കരുത്ത് പകർന്നു.