ഭീകരതക്കെതിരെയുള്ള പോരാട്ടത്തിൽ അണിചേരുക; ഡോ. ഹുസൈൻ മടവൂർ

മേപ്പയൂർ: ഇന്ത്യ - പാക് സംഘർഷം രൂക്ഷമായ സാഹചര്യത്തിൽ ഇന്ത്യൻ സൈന്യത്തിന് പൂർണ്ണ പിന്തുണ നൽകണമെന്നും നിലവിലെ സാഹചര്യത്തിൽ എല്ലാ ഭിന്നതകളും മാറ്റി വെച്ച് രാജ്യം ഒറ്റക്കെട്ടായി നിലകൊള്ളണമെന്നും കെ.എൻ.എം. സംസ്ഥാന വൈസ് പ്രസിഡൻ്റ് ഡോ. ഹുസ്സൈൻ മടവൂർ ആവശ്യപ്പെട്ടു. രാജ്യത്തിൻ്റെ പ്രശ്നത്തിൽ രാജ്യത്തോടൊപ്പം നിന്ന പാരമ്പര്യമാണ് മുജാഹിദ് പ്രസ്ഥാനത്തിനുള്ളതെന്ന് അദ്ധേഹം പറഞ്ഞു. 

      മേപ്പയൂർ മണ്ഡലം കെ.എൻ.എം. സമ്മേളനം ഉദ്ഘാടനം ചെയ്ത് കൊണ്ടു സംസാരിക്കുകയായിരുന്നു. മണ്ഡലം പ്രസിഡൻ്റ് വി.വി. അമ്മത് അദ്ധ്യക്ഷത വഹിച്ചു. കെ.എൻ.എം. സംസ്ഥാന സെക്രട്ടറി എ. അസ്ഗറലി, ഐ.എസ്.എം. സംസ്ഥാന ട്രഷറർ കെ.എം.എ. അസീസ്, കെ.എൻ.എം. ജില്ല സെക്രട്ടറി എൻ.കെ.എം. സക്കരിയ്യ, സാബിക് പുല്ലൂർ, സഅദുദ്ദീൻ സ്വലാഹി എന്നിവർ പ്രഭാഷണം നടത്തി. മണ്ഡലം സെക്രട്ടറി കെ.കെ. കുഞ്ഞബ്ദുള്ള സ്വാഗതവും ശുഹൈബ് സ്വലാഹി നന്ദിയും പറഞ്ഞു